Bali

Ti Wikipédia Sunda, énsiklopédi bébas
Bali

Lambang Bali
"Balidwipa Jaya"
(Basa Kawi: "Pulo Bali Jaya")

Peta lokasi Bali
Koordinat {{{kordinat}}}
Dasar hukum {{{dasar hukum}}}
Tanggal penting 14 Agustus 1958 (poé jadi)[1]
Ibu kota Dénpasar (saméméhna Singaraja)
Gubernur Dr. Ir. I Wayan Koster, M.M.
Lega 5.561 km²
Pangeusi 4.500.000 (+/-)
Kapadetan 800/km²
Kabupatén 8
Kota 1
Kacamatan {{{kacamatan}}}
Kalurahan/Désa {{{kalurahan}}}
Suku Bali (80%), Jawa (15%), Madura (5%),
Ageman Hindu (80%), Islam, Buda, dan Kristen
Basa Bali, Indonésia, Jawa, Sasak, Malayu, dll.
Zona waktu WITA
Lagu Daérah Bali Jagaddhita

Ramatloka resmi: http://www.bali.go.id

(?)
Sawah di puri Gunung Kawi

Bali nyaéta salah sahiji pulo sakaligus propinsi di Indonésia. Bali aya di antara Pulo Jawa jeung Pulo Lombok. Di dunia, Bali kawentar minangka tujuan pariwisata hususnya keur urang Jepang sarta Australia. Bali kasohor ogé minangka Pulo Déwata.

Géografi[édit | édit sumber]

Pulo Bali nyaéta bagian tina Kapuloan Sunda Leutik sapanjang 153 km sarta sarubak 112 km kira-kira 3,2 km ti Pulo Jawa. Sacara astronomis, Bali perenahna di 8°25′23″ Lintang Kidul sarta 115°14′55″ Lintang Wétan anu nyababkeun pulo ieu boga iklim tropis kawas bagian Indonésia anu séjén.

Gunung Agung nyaéta titik pangluhurna di Bali saluhur 3.148 m. Gunung seuneuan ieu pamungkas bitu dina Maret 1963. Gunung Batur ogé salah sahiji gunung anu aya di Bali. Kira-kira 30.000 taunka tukang, Gunung Batur bitu sarta ngahasilkeun musibah anu pohara di bumi. Béda jeung di bagian kalér, bagian kidul Bali nyaéta dataran handap anu diliwatan walungan-walungan.

Puseur dayeuh Bali nyaéta Dénpasar. Tempat-tempat penting séjénna nyaéta Ubud minangka puseur seni perenahna di Kabupatén Gianyar; sedengkeun Kuta, Sanur, Saminyak, Jimbaran sarta Nusa Dua nyaéta sawatara tempat anu jadi tujuan pariwisata, boh wisata basisir boh tempat peristirahatan.

Sajarah[édit | édit sumber]

Penghuni kahiji pulo Bali diperkirakeun datang dina 2500 SM anu pindah ti Asia. Jaman prasejarah saterusna lekasan ku datangna jalma-jalma Hindu ti India dina 100 SM.

Di jaman karajaan Majapahit, ampir sakumna nusantara ngagem agama Hindu tapi ngiringan datangna Islam, ngadeg karajaan Islam di nusantara anu ngabalukarkeun runtagna Majapahit kira-kira taun1500. Jalma-jalma Hindu réa anu nyingkir ti Pulo Jawa ka Bali.

Jelema Éropa anu mimiti manggihan Bali nyaéta Cornelis de Houtman ti Walanda dina taun 1597. Walanda liwat VOC ogé mimiti ngalaksanakeun pangjajahanana di taneuh Bali, ngabalukarkeun lumangsungna perang puputan anu ngalibetkeun sakumna rahayat boh lalaki boh wanoja kaasup rajana.

Saprak ngadegna Republik Indonésia, Bali geus jadi bagian ti nagara kahijian kasebut.

Dina 12 Oktober 2002, Bali dibom di wewengkon Kuta anu ngabalukarkeun kira-kira 202 jelema maot sarta ratusan séjénna tararatu. lolobana korban maot nyaéta warga Australia.

Lahan sawah di Bali

Démografi[édit | édit sumber]

Pangeusi Bali kira-kira sajumlah 4 juta jiwa, mayoritas 93% ngagem ageman Hindu. Ageman lianna nyaéta Islam, Protéstan, Katolik, jeung Buda.

Lian ti séktor pariwisata, pangeusi Bali hirup tina tatanén jeung perikanan. Sabagian deui milih jadi seniman. Basa nu digunakeun di Bali nyaéta Basa Indonésia, Bali, jeung Inggris hususna keur nu digawé di séktor pariwisata.

Transportasi[édit | édit sumber]

Umum[édit | édit sumber]

Di Pulo Bali, heneuweuh rel karéta seuneu tapi raramat jalan geus sadia hususna ka wewengkon-wewengkon tujuan wisatawan. lolobana nu nyicingan mibanda tutumpakan pribadi sarta milih makéna alatan jalur tutumpakan umum henteu sadia kalawan alus kajaba taksi.

Jenis kedaraan umum di Bali di antarana:

  1. Délman (Tutumpakan nu ngagunakeun sato kuda minangka pakakas penarik)
  2. Ojég (Tutumpakan umum kalawan ngagunakeun sapédah motor)
  3. Bémo (Tutumpakan umum sajenis mikrolet)
  4. Bemo di jero dayeuh
  5. Bemo luar dayeuh (jenisna leuwih badag)
  6. Taksi
  7. Beus antar dayeuh atawa kabupatén.
  8. Beus luar pulo.

Ti sarta ka[édit | édit sumber]

Antara Pulo Bali sarta Jawa, sadia jasa panyabrangan laut ngaliwatan palabuan Gilimanuk nuju ka Ketapang ngagunakeun kapal ferry anu ngadahar waktu antara 30 menit nepi ka 45 menit. Kitu deui panyabrangan antara Pulo Bali jeung Lombok, nyabrang laut ngaliwatan palabuan Padang Bay nuju ka Lembar ngadahar waktu kira-kira 4 jam.

Pikeun transportasi hawa dilayanan ku Bandara Internasional Ngurah Rai. Landas pacu sarta pesawat ngapung anu datang sarta indit bisa katémbong kalawan écés ti basisir.

Pamaréntahan[édit | édit sumber]

Daptar Daérah Tingkat II di Bali[édit | édit sumber]

No Lambang Daérah Nami Puseur Dayeuh Peta Lokasi
1
Kabupatén Badung Mangupura
2
Kabupatén Bangli Bangli
3
Kabupatén Buleleng Singaraja
4
Kabupatén Gianyar Gianyar
5
Kabupatén Jembrana Negara
6
Kabupatén Klungkung Semarapura
7
Kabupatén Karangasem Amlapura
8
Kabupatén Tabanan Tabanan
9
Kota Dénpasar -


Daptar Gubernur[édit | édit sumber]

Peta topografi Pulo Bali
No. Période Nami Gubernur Katerangan
1 1950 - 1958 Anak Agung Bagus Sutedja
2 1958 - 1959 I Gusti Bagus Oka
3 1959 - 1965 Anak Agung Bagus Sutedja
4 1965 - 1967 I Gusti Putu Martha
5 1967 - 1978 Soekarmen
6 1978 - 1988 Prof. Dr. Ida Bagus Mantra
7 1988 - 1993 Prof. Dr. Ida Bagus Oka
8 1993 - 1998 Prof. Dr. Ida Bagus Oka
9 1998 - 2003 Drs. Dewa Made Beratha
10 2003 - 2008 Drs. Dewa Made Beratha

Wawakil di Jakarta[édit | édit sumber]

  • I Wayan Sudirta, SH (DPD)
  • Nyoman Rudana (DPD)
  • Ida Bagus gedé Agastia, Drs. (DPD)
  • Ida Ayu Agung Mas, Dra., (DPD)

Rujukan[édit | édit sumber]