Kuda

Kuda ingon
Status konservasi
Domesticated
Klasifikasi ilmiah
Karajaan:	Animalia
Filum:	Chordata
Kelas:	Mamalia
Ordo:	Perissodactyla
Kulawarga:	Equidae
Génus:	Equus
Spésiés:	E. caballus
Ngaran binomial
Equus caballus Linnaeus, 1758
Sinonim
Equus ferus caballus (baca di handap) Equus laurentius

Kuda (Equus caballus) nyaéta sato ingon mamalia ungulata (maké kuku pikeun dampal sukuna), salah sahiji ti dalapan spésiés hirup kulawarga Equidae. Ceuk téorina, ieu sato ngalaman évolusi ti sato leutik nepi ka bungkeuleukanana ayeuna salila 45-55 juta taun. Manusa mimiti ngingu kuda kira-kira taun 4500 MM, sarta sumebar 3000 MM; nepi ka sakuliah buana Eurasia kira-kira 2000 MM. Najan ampir sakabéhna hasil doméstikasi, kiwari masih aya kénéh populasi Kuda Przewalski, hiji-hijina kuda liar ('kuda liar' dina harti umum biasana nujul ka kuda anu liar tapi turunan kuda doméstik).

Karakteristik Kuda

Dedegan kuda payus pisan pikeun lumpat nyingkahan pamangsa, kasaimbanganana alus, naluri lawan atawa lumpat anu kuat, sarta bisa saré boh bari nangtung atawa depa. Belo (anak kuda) disapih ku indungna dina umur sawelas bulan, nincak sawawa dina umur lima taun. Hirupna bisa nepi ka 25-30 taun. Kuda tunggangan biasana mimiti dilatih maké pelana atawa sadel antara umur dua jeung opat taun.

Kuda halis pamulyaan sacara umum dibagi jadi tilu golongan watek: "getih panas" nu lincah jeung tarik lumpatna, "getih tiis" nu kalem tapi tanagana rosa, jeung "getih haneut" nu watekna di antara panas jeung tiis. Kiwari aya leuwih ti 300  rupa kuda hasil pamulyaan nu dikembangkeun pikeun rupa-rupa mangpaat.

Kuda jeung manusa geus dalit ti baheula, di antarana baé dipaké pikeun kagiatan tatanén, olahraga, angkutan, kavaleri, jeung hiburan/kasenian. Lian ti éta, tina awakna ogé diala dagingna, susu, bulu, tulang, jeung nu séjénna pikeun rupa-rupa kaperluan.

ku sabab geus ti jaman baheula jadi kalangenan manusa, loba pisan istilah nu dijieun pikeun ngadadarkeun kuda, di antarana anatomi, hambalan hirup, ukuran, kelir, pemuliaan, jeung kalakuanana.

Baca ogé

• Kuda rénggong

Rujukan

• Horse (disalin 4 Désémber 2008).

Linnaeus, Carolus (1758). Systema naturae per regna tria naturae :secundum classes, ordines, genera, species, cum characteribus, differentiis, synonymis, locis. 1 (10th edition ed.). Holmiae (Laurentii Salvii). p. 73. Diakses tanggal 2008-09-08.  CS1 maint: Extra text (link)

Suparman. 2007. Beternak Kuda. Jakarta: Ganeca Exact

Artikel ngeunaan sato ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.