Nusantara

Ti Wikipédia, énsiklopédia bébas
Luncat ka: pituduh, paluruh

Nusantara nyaéta hiji kecap majemuk nu dicokot tina basa Jawa Kuna nusa (pulo) jeung antara (séjén).

Kecap ieu mibanda sababaraha harti:

Konsep kanagaraan Jawa[édit | édit sumber]

Dina konsép kanagaraan Jawa, daérah kakawasaan raja dibagi jadi tilu:

  1. Nagara Agung
  2. Mancanagara
  3. Nusantara

Nagara Agung mangrupa wewengkon sakuriling ibukota karajaan tempat raja marentah. Mancanagara nyaéta daérah-daérah di pulo Jawa jeung sabudeureunnana nu budayana ampir sarua jeung Nagara Agung, tapi geus aya di "daerah wates". Ditilik tina panempo ieu, Madura jeung Bali mangrupa daérah "mancanegara". Lian ti eta, Lampung jeung Palembang meureun bisa dianggep kénéh minangka "mancanagara". Sedengkeun Nusantara mangrupa daérah di luar pangaruh budaya Jawa, tapi (kadang-kadang) diaku minangka daérah jajahan nu para pengawasana kudu mayar upeti.

Konsep kabudayaan moderen[édit | édit sumber]

Ditilik tina sisi kabudayaan jeung pamakéan basa moderen, istilah "Nusantara" atawa biasana ngawengku daérah kapuloan Asia Tenggara atawa daérah di mana budaya jeung basa Austronesia dimumule. Ditilik tina kaca mata ieu, Malaysia, Filipina jeung boa Vietnam jeung Taiwan (sarta Madagaskar) kaasup kana daérah Nusantara sedengkeun Papua mah henteu. Kajaba keur daérah Irian Jaya Barat.

Konsep geografis[édit | édit sumber]

"Nusantara" ogé meureun bisa nujul kana wilayah nu katelah Kapuloan Malayu dina basa Inggris (Malay Archipelago), nyaéta Indonésia, Filipina, Brunéi, Sabah jeung Sarawak, Wilayah Persekutuan Labuan, Timor Timur jeung Papua Nugini tapi henteu kaasup Malaysia.

Tempo oge[édit | édit sumber]


Flag of Indonesia.svg