Bilal bin Rabah

Ti Wikipédia Sunda, énsiklopédi bébas
(dialihkeun ti Bilal Bin Rabah)
Makam Bilal Bin Rabah di Yordan

Bilal bin Rabah ngaran lengkepna Bilal bin Rabah Al-Habasyi, sok disebut ogé Abu Abdillah.[1] Anjeunna dibéré gelar Muadzdzin Ar-Rasul.[1] Babar di daerah as-Sarah kira-kira 43 taun saméméh hijriah.[2] Ramana nyaéta Rabah, sedengkeun ibuna Hamamah.[2]

Jeung kulawargana, Bilal cicing di Mekah, hirup salaku budakna Umayyah bin Khalaf ti Bani Jumuh, nepi ka ahirna anjeunna ngadéngé iber ngeunaan Islam, tuluy datang ka Rosulullah sarta asup Islam.[1]

Sanggeus asup Islam, Bilal bin Rabah teu langsung merdéka, anjeunna kungsi disiksa ku cara dipoé di tengah gurun salila sababaraha poé.[1] Dina beuteungna ditindihan ku batu nu gedé, sarta beuheungna ditalian sangkan Bilal kaluar tina ageman Islam, tapi Bilal bin Rabah pengkuh kana kayakinanna.[1] Nepi ka ahirna Abu Bakar Ash Shiddik ngamerdékakeun anjeunna.[1]

Rujukan[édit | édit sumber]

  1. a b c d e f "Tokoh-tokoh Besar Islam Sepanjang Sejarah" kaca 137. Jakarta: Pustaka Al-Kautsar, 2013
  2. a b "65 Manusia Langit" kaca 281. Jakarta: Senayan Abdi Publishing, 2005