Bungkeureuk

Ti Wikipédia Sunda, énsiklopédi bébas
Loncat ke navigasi Loncat ke pencarian
Tangkal nu ngaroyom ka palebah bungkeureuk

Bungkeureuk nyaéta bagéan atawa tempat kawas balong leutik tur jero nu aya di susukan, ngan leuwih leutik batan leuwi.[1] [2] Cai anu aya di sabudeureun bungkeureuk katempona leuwih laun ngalirna, malahan mah kawas anu muter wungkul di éta tempat sok disebut ogé cai mulang.[3] Katempo dina luhureun cai lamun seug aya kalakay, dahan, atawa naon baé anu kabawa palid tur ngambang ngaliwat palebah bungkeureuk, sok katembong muih baé di luhureun bungkeureuk mah.[4] Dalah ti kitu ari dijerona mah cai téh bedas ngalir ka hilir.[4] ku lantaran cai leuwih tenang, lauk-lauk jeung sato séjén sok ngarumpul nyiar hakaneun di éta tempat.[5] ku kituna bungkeureuk téh jadi tempat pangjugjugan jalma réa anu boga maksud ngadon ngala lauk, kayaning: nguseup, naheun bubu, ngaheurap, malahan ngadon ngamandian munding, jeung sajabana. [6]

Dicutat tina[édit | édit sumber]

  1. Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. p. 71. 
  2. Adimihardja, Kunaka (1992). Kasepuhan yang tumbuh di atas yang luruh: pengelolaan lingkungan secara tradisional di kawasan Gunung Halimun, Jawa Barat. University of California: Tarsito. p. 30. 
  3. Badan, Usaha (2003). Tempo. Universitas Michigan: Badan Usaha Jaya Press Jajasan Jaya Raya. p. 12. 
  4. a b Physical Planning Programme for Transmigration (Indonesia), Natural Resources Institute (Great Britain). Land Resources Dept, Indonesia, Regional (1990). The Land resources of Indonesia: a national overview, 1990 : based on regional reviews of the land resources of Central Kalimantan (1985), Irian Jaya (1986), East with South Kalimantan (1987), West Kalimantan (1988), Sumatra (1988), Sulawesi (1988), Maluku with Nusa Tenggara (1989). Natural Resources Institute. 
  5. Inventarisasi dan Dokumentasi Kebudayaan Daerah (Indonesia), Proyek (1980). (mite dan legende) : daerah Jawa Barat. Proyek Inventarisasi dan Dokumentasi Kebudayaan Daerah, Pusat Penelitian Sejarah dan Budaya, Departemen Pendidikan dan Kebudayaan. 
  6. Amin, Proyek Penerbitan Buku Bacaan dan Sastra Indonesia dan Daerah, Kunaka (2008). Di lembur kuring. University of California: Departemen Pendikan dan Kebudayaan, Proyek Penerbitan Buku Sastra Indonesia dan Daerah. p. 30-119. 
Nulis.jpg