Dial Up

Ti Wikipédia Sunda, énsiklopédi bébas

Dial-up connection atawa disingget dial-up nyaéta istilah basa Inggris pikeun téknologi informasi anu nujul kana aksés Internet kalayan ngagunakeun sambungan telepon tetep atawa telepon mobil. Mimitina komputer, ngaliwatan modem nelepon (dial-up) ka nu ngayakeun Jasa Internet (nu disebut Internet Service Provider nu disingget ISP). Sanggeus komputer urang nyambung ka ISP mangka sagancangna ISP kasebut nyambungkeun komputer urang kana Internet sarta saterusna mungkas sambungan telepon jeung komuter urang.

Kiwari réa kénéh jelema anu ngagunakeun layanan Dial-up ieu lantaran kateumampuh pikeun meunangkeun layanan sambungan Internet nu lajuna gancang (high-speed Internet connection), alatan kawates ku waragad jeung wewengkon géografis.

Pikeun narima layanan sambungan Internet Dial-up ieu, urang merlukeun:

  • Pakakas teuas (hardware):
  • Pakakas Lemes (software): umumna disadiakeun ku panyadia layanan Internet (dina basa Ingris disebut Internet Service Provider nu disingget ISP).
  • Ngaran pamaké (Username atawa login) sarta kecap sandi (Password): disadiakeun ku ISP di mana urang lalanggan, login henteu bisa dirobah sedengkeun password bisa diganti ku urang sorangan sacara berkala pikeun ngajaga kaamanan.

Anu perlu dipigawé ku urang nyaéta:

  • Langganan ka salah sahiji ISP pangdeukeutna
  • Masang modém dina komputer urang
  • Masang software Internet anu disadiakeun ku ISP
  • Nyambungkeun diri (dial-up) ka ISP

Sanggeus komputer urang nyambung ka ISP mangka waktu éta ogé komputer urang geus nyambung ka Internet sarta urang bisa mitembeyan ngaprak di Internet. Hubungan urang ka Internet ngan lumangsung salila urang mertahankeun sambungan (konéksi) komputer urang ka ISP ngaliwatan modem. Mangsa urang megatkeun sambungan modem ka ISP mangka saharita kénéh kompuer urang kapegatkeun tina Internet.

Sambungan anu dijeiun antara komputer urang jeung ISP nyaéta sambungan lokal (ngagunakeun pulsa telepon lokal) tapi urang geus bisa asup kana Internet sarta nyukcruk patempatan-patempatan séjén di sakuliah dunya. Tangtu waé ‘datangna’ urang ka patempatan séjén kasebut boga sipat maya (henteu nyata) alatan urang ngan bisa laha-loho kana informasi anu ngeusian komputer-komputer séjén di sakuliah dunya anu nyambung kana Internet. Alatan sipatna anu maya ieu pisan mangka Internet dipikawanoh savagé cyberspace (dunya maya).

Sambungan Dial-up ieu umumna dipaké ku pribadi-pribadi anu hayang asup ka Internet ti imah. Komputer anu dipaké pikeun meunangkeun sambungan dial-up ilaharna nyaéta hiji komputer tunggal (lain jaringan komputer)

Contoh cara nyambung kana Internet ngaliwatan ISP “Telkomnet Instan”: Dina nyambungkeun diri kana Internet, aya sawatara léngkah anu kudu dipigawé ku komputer, nyaéta:

  • Dialing (nelepon nomer, contona 080989999)
  • Verifying Username (ngabuktikeun ngaran pamaké sarta sandi)
  • Handshaking ("sasalaman", hartina ngaragemkeun paraméter sambungan komunikasi)
  • Connecting (nyambungkeun diri ka Internet).