Endog Balut
Balut (dina basa Viétnam Trứng vịt lộn atawa Hột vịt lộn, Pong téa khon dina basa Kamboja) nyaéta endog éntog atawa hayam anu eusina émbrio éntog nu ampir sampurna nu digodog jeung didahar. Sakapeung mah katempo kawas endog kacingcalang. Daharan ieu mindeng pisan kapanggih di Asia Kidul Wétan, kayaning Pilipina, Kamboja, jeung Viétnam. Daharan ieu dipikapercaya minangka afrodisiak jeung dianggap miboga protéin anu loba, balut bisa kapanggih di toko kaki lima sabot peuting. Kadaharan ieu kadang disajikeun jeung bir. Dina basa Tagalog jeung basa Malayu (kaasup basa Indonésia), balut (balot) hartina "mungkus".