Galah Bandung

Ti Wikipédia, énsiklopédia bébas
Loncat ke navigasi Loncat ke pencarian
Ilustrasi barudak keur maén galah Bandung

Galah bandung nyaéta salah sahiji kaulinan barudak nu asalna ti Bandung[1]. Ieu kaulinan barudak teu jauh béda jeung galah palang atawa galah jidar. Nu ngabédakeunna mah palang atawa jidar téh diganti ku suku pamaén ti tim lawan[2].

Nu maén[édit | édit sumber]

  • Nu maén téh aya opat urang.[3]
  • Umumna budak awéwé antara 5 nepi 11 taun[3].
  • Pamaén nu opat téh dibagi jadi dua kelompok/tim[3].
  • Sakelompokna dua urang[3].

Prak-prakan[édit | édit sumber]

Lamun si A maén, si B jeung si C ngajaga. Cara ngajagana, nyaéta, si B jeung si C pahareup-hareup bari nyanghunjarkeun dua sukuna. Diukna rada ngalageday ka tukang ditunjel ku dua leungeun.[1] Suku anu disanghunjarkeun téh, dampalna ditumpangkeun ka luhur. Ari si A nu maénna, ngaluncatan dampal nu patumpang téa. Lamun bisa ngagajleng dituluyeun kana babak kadua.[1] Dina babak kadua, suku nu ngajaga rada ngajéngkang ka luhur (jadi leuwih hésé diluncatanana), lamun ngadupak kana suku nu ngajaga, lasut disebutna, jeung gantian si B nu bagian maén.[1] Dina babak katilu, nu maén kudu cingogo diluareun kalang, geus kitu sabisa-bisa ngagolér di jero kalang.[1] Awak teu kaci antel atawa ngagaris kana suku nu ngajaga. [1]

Ciri nu Meunang[édit | édit sumber]

Ciri nu meunang téh nyaéta lamun kabéh pamaén dina kelompok geus bisa ngaliwatan sababaraha babak jeung rintangan (suku lawan) nu geus ditangtukeun.[2]

Rujukan[édit | édit sumber]

  1. a b c d e f Drs Ahmad Hadi, Dkk (2009). PEPERENIAN. Bandung: Geger Sunten. p. 238. ISBN 9786027784116. 
  2. a b "Galah Bandung-Dinas Pariwisata dan Kebudayaan Provinsi Jawa Barat". www.disparbud.jabarprov.go.id. Diakses tanggal 2017-10-10. 
  3. a b c d Hamzuri, Drs; Siregar, Dra Tiarma Rita (1998-12-04). Permainan Tradisional Indonesia (dalam Indonesian). Direktorat Jenderal Kebudayaan.