Gedung Kologdam
Gedung Kologdam nyaéta wangunan kolonial di Bandung. Dina taun 1920-an, Gedung Kologdam dijadikeun ajang Jaarbeurs de Bandung (pameran dagang taunan). Komplek wangunan ieu katut pendopona ayeuna geus dirobah jadi Markas Komando Pendidikan dan Pelatihan Komando Daerah Militer III/Siliwangi.
Wangunan jeung komplek sakurilingna dirancang ku Wolff Schoemaker, arsiték anu kasohor di Hindia Walanda. Wangunan ieu diwangun taun 1920 sarta dijadikeun lokasi utama kanggo acara Jaarbeurs de Bandung. Pameran dagang munggaran dilaksanakeun ti 20 Méi nepi ka 3 Juni 1920, satuluyna unggal bulan Juni jeung Juli.[1] Rupa-rupa konférénsi jeung paméran ti rupa-rupa industri di Priangan jeung sabudeureunana diayakeun di ieu kompleks.
Arsitéktur[édit | édit sumber]
Dina taun 1919, arsiték Wolff Schoemaker ngararancang Pusat Pameran Dagang (Jaarbeurs) sanggeus studi banding di Amérika Serikat.[2] Wangunan ieu mangrupikeun desain manehna anu dijiéun pang mimitina sanggeus balik ti Amérika Serikat. Dirarancang dina gaya Art Deco sarta dipangaruhan ku gaya arsiték Frank Lloyd Wright,[2] wangunan ieu ngabentuk salib. Tilu arca manusa ngahias fasad wangunan dina desain nu dipangaruhan ku gaya Amsterdam.[3] Dina jaman kolonial Walanda, wangunan ieu dijadikeun puseur Departement van Oorlog atawa Departemen Perang ku pamaréntah Hindia Walanda.[4]
Rujukan[édit | édit sumber]
- ↑ Sachari, Agus (2007). Budaya visual Indonesia: membaca makna perkembangan gaya visual karya desain di Indonesia abad ke-20 (dalam Indonesian). Erlangga. p. 146. ISBN 978-979-781-949-1.
- ↑ a b Helmond, Gemeentemuseum (1990). Het Indische bouwen: architectuur en stedebouw in Indonesie : Dutch and Indisch architecture 1800-1950 (dalam Dutch). Gemeentemuseum Helmond. pp. 28–31.
- ↑ Hartono, Samuel (Juli 2007). "The Amsterdam School dan Perkembangan Arsitektur Kolonial di Hindia Belanda Antara 1915-1940". DIMENSI (Jurnal Teknik Arsitektur) (Petra Christian University) (35): 58. https://web.archive.org/web/20150402122020/http://puslit2.petra.ac.id/gudangpaper/files/1345.pdf. Diakses pada 23 Agustus 2022.
- ↑ Suryanegara, Ahmad Mansur (2018). Api Sejarah 1, Mahakarya Perjuangan Ulama dan Santri dalam Menegakkan Negara Kesatuan Republik Indonesia, edisi revisi. Bandung: Surya Dinasti. p. 227. ISBN 9786027123717.