Halo (fénomén optik)

Ti Wikipédia Sunda, énsiklopédi bébas
(dialihkeun ti Halo)
kajadian Halo nu katingali di Bandung

Halo (ἅλως; disebut ogé nimbus, icebow, atawa Gloriole) nyaéta fénoména optik nu mangrupa lingkaran cahaya di sabudeureun panon poé jeung bulan, jeung sakapeung sok aya dina sumber cahaya lianna kayaning lampu pikeun nyaangan jalan. Aya sababaraha rupa halo, tapi umumna halo muncul disababkeun ku kristal és dina awan cirrus anu tiis nu aya 5-10 km di luhureun troposfér. Wangun jeung perenahna éta kristal és téh nangtukeun tipe halo naon anu bakal kaluar. Cahaya anu dipantulkeun dina kristal és bisa ngaluarkeun sababaraha rupa warna, siga nu aya dina katumbiri.

Halo ogé sakapeung sok muncul di deukeut beungeut bumi, nalika aya kristal és anu disebut lebu berlian. Kajadian ieu téh bisa muncul dina cuaca nu tiis, nalika kristal kawangun di deukeut beungetu bumi jeung mantulkeun cahaya.

Warta Luar[édit | édit sumber]