IKEA
IKEA (Swédia: [ɪ²keːa], /aɪkiːə/) mangrupa hiji parusahaan produk rumah tangga nu diadegkeun ku Ingvar Kamprad. IKEA mangrupa singgetan ti Ingvar Kamprad, ngaran nu ngadegkeunnana.[1] Elmtaryd, Agunnaryd, ngaran lemburna Ingvar di Småland, Swédia.[1] Jadi sabenerna IKEA téh mangrupa singgetan tina ngaran jeung lembur atawa kampung nu ngadegkeunnana.
Mimitina mah mangrupa hiji usaha leutik jasa pemesanan barang ngaliwatan pos nu dikelola ku hiji rumaja bari maké sapédahna sorangan, ayeuna IKEA geus mekar jadi hiji parusahaan gedé furnitur global.[2] Kiwari, IKEA geus aya 375 toko nu sumebar di 46 nagara.[3] Unggal taunna aya 884 miliar jelema nu datang ka tokona sarta 1,2 triliun jelma nu ngaksés IKEA sacara onlén.[3] Lian ti éta, aya 172.000 nu gawé di IKEA sadunya.[3]
Sajarah[édit | édit sumber]
Sajarah di Dunia[édit | édit sumber]
- 1926
Carita IKEA munggaran dina taun 1926 tempat dibabarkeun Ingvar Kamprad di Småland, palih kidul Swédia.[4] Ti budak kénéh, Ingvar geus apal kumaha carana mekarkeun perniagaan.[4] Ngaran IKEA sorangan mangrupa singgetan tina ngaran Ingvar jeung lembur atawa kampung nu ngadegkeunnana.[1]
- 1943
Dina taun 1943, Ingvar mulai ngadaptarkeun IKEA, nu ngajual patlot, dompet, sarta barang-barang leutik lianna.[5]
- 1945
Dina koran lokal aya iklan munggaran ti toko IKEA.[5]
- 1951
Katalog cetak IKEA munggaran nu eusina produk furnitur.[5]
- 1955
IKEA mulai produksi model furniturna sorangan.[5]
- 1956
IKEA munggaran mulai ngirimkeun barang dina kemasan datar.[5]
- 1958
Toko IKEA munggaran dibuka di Elmhult, Swédia.[5] Ieu parusahaan geus boga 100 karyawan.[5]
- 1960
Dina taun 1960, ngan aya kopi jeung inuman tiis lianna nu ditawarkeun di toko IKEA.[6] Dina ahir taun, dapur restoran IKEA geus lengkep, kaasup oven microwave - hal anyar jaman harita.[6] Ti mimiti dahareun siga burger nepi ka á la carte ogé disajikeun.[6] Ide ieu muncul tina pangalaman Ingvar: jelema loba nu ninggalkeun toko nalika jam dahar beurang pikeun dahar di salah sahaiji restoran atawa dapur jalanan di Älmhult.[6] Ieu hal ngaganggu prosés jual beuli. [6] Ingvar sadar yén konsumen nu lapar bakal meuli saeutik. Lamun jaman kiwari mah aya istilah "susah berbisnis dengan perut kosong."[6]
- 1963
Toko munggaran IKEA di luar Swédia dibuka di Norwégia.[6]
- 1965
Toko IKEA nu panggedéna dibuka di Stockholm, Swédia.[7] Toko sagedé 31.000 meter persegi ieu miboga desain nu ngabuleud.[7]
- 1973
Toko IKEA munggaran di Skandinavia diadegkeun Spreitenbach, Suis, tuluy dituturkeun ku toko-toko di Jérman.[6]
- 1982
Grup IKEA dibentuk, nu bogana nyaéta yayasan, Stitchting INGKA Foundation, nu basisna di Walanda.[7] Ingvar Kamprad, miboga udagan hayang nyieun struktur kapamilikan jeung organisasi nu mandiri.[7] Grup IKEA sorangan ngawengku loba operasi IKEA - grup industri Swedwood, divisi distribusi jeung pergudangan, jeung parusahaan nu boga toko di sababaraha nagara.[7]
- 1985
IKEA aya di AS (Philadelphia)
Sanggeus, mimiti ékspansi ka Norwégia dina taun 1963, ayeuna IKEA geus muka toko internasional di Amérika Serikat, Italia, Prancis, dan Inggris.[7]
- 1986
Anders Moberg jadi Presidén jeung CEO IKEA Group.[7]
Ingvar Kamprad pangsiun ti Manajemén Grup pikeun jadi penasihat parusahaan induk INGKA Holding B.V. Anders Moberg jadi Presidén jeung CEO Grup IKEA.[7]
- 1991
IKEA nagadegkeun grup industri Swedwood.
IKEA meunangkeun pabrik penggergajian sarta pabrik produksina sorangan, tuluy ngadegkeun grup industri Swedwood pikeun ngaproduksi furnitur jeung komponen awi nu basisna awi.[7]
- 1980 - 1990an
Loba toko-toko IKEA ngadeg di sababaraha nagara Eropa jeung Asia.[5]
- 1999
Anders Dahlvig jadi Presidén jeung CEO IKEA Grup, ngagantikeun Anders Moberg.[7]
- 2001
Uji coba Grup IKEA ngajalakeun operasi relna sorangan ngaliwatan IKEA Rail AB, tujuanna bagéan penting tina strategi IKEA pikeun ngaporomosikeun transportasi berkelanjutan tina bahan jeung produk IKEA.[7]
- 2013
Ingvar Kamprad amit mundur.
Dina Juni 2013, Ingvar Kamprad amit mundur ti dewan diréksi Inter IKEA Holding SA sarta budakna nu bungsu, Mathias Kamprad, ngagantikeun Per Ludvigsson salaku pupuhu parusahaan induk.[8]
- 2018
Pendiri Ingvar Kamprad pupus dina 27 Januari 2018.[8]
Sajarah di Indonésia[édit | édit sumber]
Taun 2014 toko IKEA nu munggaran ngadeg di Indonesia nyaéta IKEA Alam Sutera. [9] IKEA di Indonesia mangrupa toko ka-364 di dunya.[10] Taun 2014 memang jadi taun kahiji IKEA muka tokona di Indonésia. Tapi, saupama nilik tina sajarahna, sabenerna IKEA geus aya lila di Indonésia.[9] Numutkeun Magee, Manajer IKEA Indonesia, ngajéntrékeun yén Indonésia geus jadi penyuplai produk IKEA ti 1991.[9] Jadi lamun ditilik tina taunna mah sabanerna IKEA geus aya 30 taun di Indonésia, tokona di Indonesia ayeuna geus aya tilu, nyaéta IKEA Alam Sutera di Tangerang, IKEA Sentul City di Bogor, sarta nu panganyarna di IKEA Kota Baru Parahiyangan di Kabupaten Bandung Barat.[11]
Daptar Rujukan[édit | édit sumber]
- ↑ a b c "Sejarah IKEA". kumparan (dalam id-ID). Diakses tanggal 2021-04-04.
- ↑ Bachdar, Saviq. "Menapaki Perjalanan 75 Tahun IKEA". Marketeers. Marketeers. Diakses tanggal 04 April 2021.
- ↑ a b c "Informasi Perusahaan | IKEA Indonesia". www.ikea.co.id. Diakses tanggal 2021-04-04.
- ↑ a b "Sejarah - IKEA". www.ikea.com. Diakses tanggal 2021-04-06. Archived 2017-01-15 di Wayback Machine
- ↑ a b c d e f g h "Garis waktu merek IKEA". ikea-club.org (dalam Indonesian). Diakses tanggal 2021-04-06.
- ↑ a b c d e f g h "The history of the IKEA brand at a glance". About IKEA. Diakses tanggal 2021-04-06.
- ↑ a b c d e f g h i j k "History of IKEA timeline.". Timetoast. Diakses tanggal 2021-04-06.
- ↑ a b "History of IKEA - Timeline - Historydraft". historydraft.com. Diakses tanggal 2021-04-07.
- ↑ a b c VIVA, PT VIVA MEDIA BARU-. "Ternyata IKEA Sudah 23 Tahun di Indonesia". www.viva.co.id (dalam Indonesian). Diakses tanggal 2021-04-07.
- ↑ Media, Kompas Cyber. "Resmi... IKEA Hadir di Alam Sutera!". KOMPAS.com (dalam Indonesian). Diakses tanggal 2021-04-07.
- ↑ "Distribusi Point | IKEA Indonesia". www.ikea.co.id. Diakses tanggal 2021-04-07.