Jét Propulsion Laboratory
Jét Propulsion Laboratory (JPL) di Caltech, deukeut Pasadéna, California, nyaéta laboratorium anu ngararancang jeung ngajalankeun pesawat luar angkasa tanpa awak pikeun NASA.[1]
Proyék-proyék anu dijalankeun ku JPL di antarana misi Jupiter Galiléo jeung Mars rover. Nepi ka taun 2005, JPL geus ngirimkeun misi ka sakabeh planét di tata surya urang, iwal Pluto (anu ti taun 2006 geus diréklasifikasi jadi planét katai, jadi sakabeh planét geus dijajah ku JPL). Salian ti nyieun peta bumi sacara éksténsip, JPL ogé ngatur Deep Space Network di sabudureun dinya, kalayan pasilitas di Gurun Mojave di California, deukeut Madrid di Spanyol, jeung deukeut Canbérra di Australia.[2]
Aya perkiraan 5.000 padamel anu digawé pinuh waktu di JPL, ditambah rébuan kontraktor. Saban taun, JPL ngayakeun "open house" sakali dina hiji poé Saptu bulan Méi, di mana masarakat umum diulem pikeun tur fasilitas jeung ningali langsung téknologi jeung sains anu keur digarap di JPL. Tur pribadi ogé bisa diatur sepanjang taun lamun geus dijadwalkeun tiheula. Rébuan budak sakola ti Kalifornia Selatan jeung saksena ogé ngarasa gumbira bisa nganjang ka laboratorium ieu unggal taun.
Sajarah
[édit | édit sumber]
JPL ngamimitian sajarahna dina taun 1936 di Guggenheim Aeronautical Laboratory, California Institute of Technology (GALCIT), nalika rangkeian eksperimen rokét munggaran di Amérika Serikat lumangsung di Arroyo Seco. Kagiatan awal ieu ngalibatkeun mahasiswa pascasarjana ti Caltech, kawas Frank Malina, Qian Xuesen, Weld Arnold, Apollo M. O. Smith, Jack Parsons, jeung Edward S. Forman. Aranjeunna mineng disebut "Suicide Squad" lantaran eksperimen-ekspérimen anu dipigawé rada bahaya. Malina dibantuan ku dosénna, insinyur jeung ahli aerodinamika Theodore von Kármán, anu lila-lila nyekel peran penting di JPL, kalayan ngarojong proyék ieu ku bantuan finansial ti Angkatan Darat Amérika Serikat dina taun 1939 dina proyék anu dikenal minangka "GALCIT Rocket Project".
Mimiti Ngembangkeun Rokét
[édit | édit sumber]Dina awal proyék, fokus utama nyaéta ngembangkeun téknologi roket. Dina taun 1941, Malina, Parsons, Forman, Martin Summerfield, jeung pilot Homer Bushey ngadémonstrasikeun roket bantu lepas landas (Jet-Assisted Takeoff/JATO) kahiji di Angkatan Darat. Dina taun 1943, von Kármán, Malina, Parsons, jeung Forman ngadegkeun Aérojet Corporation pikeun ngaproduksi rokét JATO. Proyék ieu engkéna dipikawanoh minangka Jét Propulsion Laboratory dina bulan November 1943, janten pasilitas Angkatan Darat anu dioperasikeun ngaliwatan kontrak jeung universitas. Dina taun anu sami, Qian jeung dua rekanna nyieun dokumén kahiji anu ngagunakeun ngaran Jét Propulsion Laboratory.[3][4]
Dina hiji konperensi NASA ngeunaan sajarah pangembangan roket, Malina nyatakeun yén pagawean JPL "dianggep ngawengku" panalungtikan anu dilakukeun ku GALCIT Rocket Research Group saprak taun 1936. Dina taun 1944, Parsons diusir kusabab "metode kerja na anu teu ortodoks jeung teu aman," saatos FBI sababaraha kali nalungtik kalibetanna dina élmu gaib, narkoba, jeung perilaku bébas.[5]
Salila janten laboratorium milik Angkatan Darat, JPL ngembangkeun dua sistem senjata penting, nyaéta rudal balistik jarak tengah MGM-5 Corporal jeung MGM-29 Sergeant, anu janten rudal balistik kahiji AS anu dikembangkeun di JPL. JPL ogé nyieun sababaraha prototipe sistem senjata séjén, sapertos sistem rudal anti-pesawat Loki jeung pangheulana roket panalungtikan Aerobee. JPL sering nguji coba roketna di White Sands Proving Ground, Edwards Air Force Base, jeung Goldstone, California.[6]
- ↑ "Master Government List of Federally Funded R&D Centers | NSF - National Science Foundation". ncses.nsf.gov. Diakses tanggal 2024-10-28.
- ↑ "History". NASA Jet Propulsion Laboratory (JPL) (dalam en-US). Diakses tanggal 2024-10-28.
- ↑ "Early History -Setting Down Stakes". web.archive.org. Diakses tanggal 2024-10-29.
- ↑ "E&S Article Archive". web.archive.org. Diakses tanggal 2024-10-29.
- ↑ Solon, Olivia. "Occultist father of rocketry 'written out' of Nasa's history" (dalam bahasa en-US). Wired. ISSN 1059-1028. https://www.wired.com/story/jpl-jack-parsons/. Diakses pada 2024-10-29
- ↑ Essays on the History of Rocketry and Astronautics: Proceedings of the Third Through the Sixth History Symposia of the International Academy of Astronautics. Scientific and Technical Information Office, National Aeronautics and Space Administration. 1970.