NASA

Ti Wikipédia Sunda, énsiklopédi bébas

National Aeronautics and Space Administration (NASA) nyaéta lembaga pamaréntah Amerika Serikat nu miboga tanggung jawab sakabéh program luar angkasa jeung panalungtikan umum dina jangka waktu nu manjang.[1] Ieu organisasi miboga tanggung jawab kana program panalungtikan masarakat sipil, aeronautika, jeung program kadirgantaraan.[1]

Tujuan Stratégis Nasa[édit | édit sumber]

NASA miboga tujuan stratégi, di antarana:[2]

  1. Ngamekarkeun jeung ngajaga aktivitas manusa di sakuliah dunya.
  2. Ngamekarkeun pamahaman ilmiah ngeunaan bumi jeung alam dunya
  3. Nyiptakeun inovasi rohang téhnologi anyar
  4. Panalungtikan aeronautika nu pangonjoyna
  5. Ngaktifkeun program jeung kamampuh institusi pikeun ngalakukeun kagiatan ngeunaan luar angkasa jeung aeronautika
  6. Ngabagi élmu pangaweruh kalawan tanaga pangajar jeung mahasiswa pikeun méré kasempetan ilubiung

Sajarah[édit | édit sumber]

présidén Eisenhower ngadegkeun NASA taun 1958 jnu boga tujuan pikeun mentingkeun kabutuh masarakat sipil dibandingkeun jeung militer, jeung digunakeun pikeun program karukunan dina élmu ngeunaan luar angkasa.[1] Undang-undang Undang-Undang Aeronautika jeung Keluarangkasaan Nasional disahkeun 29 Juli 1958,ngagantikeun organisasi saacaanna, Komite Penasehat Aeronautika Nasional. Badan ieu resmi dimimitian dina tanggal 1 Oktober 1958.[1][2]

NASA geus hasil nyatet jadi sajarah ngirimkeun astronoutna ka bulan nu munggaran dina tanggal 20 Juli 1969. Tim astronaut nu kagabung dina Misi Apollo 11 nu jumlahna 12 urang, kaasup astronaut Neil Armstrong jeung Buzz Aldrin.[1]

NASA ogé pernah nyiptakeun pesawat shuttle keur penerbangan ka luar angkasa, nu dipedalkeun munggaran di taun 1981. Pesawat shuttle ieu geus hasil ngajalankeun 130 misi saacan pangsiun di taun 2011[1]

NASA jogé hasil medalkeun robot kaluar angkasa Mars Pathfinder nu ditugaskeun pikeun ngajalajah planet Mars, pikeun mikanyaho leuwih jauh tanda-tanda kahirupan di Mars.[1]

Salian ti eksplorasi luar angkasa, NASA ayeuna miboga tim aeronautik nu terus ngamekarkeun mangrupa-rupa téhnologi aviasi. Mangrupa-rupa hasil panalungtikanna dipikahayang ku nu nyadiakeun jasa penerbangan di sakabéh dunya.[1]

Organisasi NASA[édit | édit sumber]

Kantor pusat NASA nu tempatna di Washington Amerika Serikat. Salian kantor pusat, NASA ogé ngabogaan ogé 9 markas, Laboratorium Propulsi Jet, sarta 7 fasilitas pikeun kaperluan tes jeung panalungtikan nu sumebar di sababaraha daérah di Amerika jeung sakuliah dunya. Nepi ka data ieu ditulis (2017), geus aya leuwih ti 18.000 jalma nu gawé pikeun NASA. Salian ti astronaut, ilmuan, jeung insinyur, aya sababaraha profesi lian nu gawé di NASA, saperti tanaga pangajar, pangacara, jsb.

NASA ngabagi lingkup gawé jadi 4 bagéan utama:[édit | édit sumber]

Aeronautik: [édit | édit sumber]

Ngalakukeun rupa-rupa panalungtikan pikeun nyumponan paménta ti penerbangan, nu dipiharep ngahasilkeun téhnologi nu bisa kapaké lila sarta hadé pikeun lingkungan. Lian ti éta, ogé mekarkeun téhnologi révolusionér nu miboga mangpaat di luar widang aviasi.[1]

Eksplorasi jeung Operasi ku Manusa: [édit | édit sumber]

Fokus pikeun kagiatan Stasiun Luar Angkasa Internasional, ngembangkeun kamungkinan eksplorasi manusa di luar orbit Bumi, jeung penerbangan komersial ka angkasa.[1]

Sains: [édit | édit sumber]

Ngajalajah bumi, sistem tata surya, jeung alam dunya. Metakeun jalan nu pang hadéna pikeun panalungtikan kaharupna.[1]

Téhnologi Luar Anngkasa [édit | édit sumber]

Mekarkeun, nyieun inovasi, démonstarsi, jeung ngarancang téhnologi révolusionér nu gancang keur digunakeun dina sababaraha misi NASA mangsa datang.[1]

Jejer nu aya hubungan jeung NASA[édit | édit sumber]

Agensi angkasa lainnna[édit | édit sumber]

Tutumbu ka luar[édit | édit sumber]

Panalungtikann satuluyna[édit | édit sumber]

Rujukan[édit | édit sumber]

  1. a b c d e f g h i j k l Sumber Edukasi. NASA (National Aeronautics and Space Administration) Archived 2017-07-24 di Wayback Machine Diaksés ping 5 Oktober 2017.
  2. a b Ekologi Sistem NASA Diaksés ping 5 Oktober 2017

Citakan:National space programmes