Mars

Ti Wikipédia Sunda, énsiklopédi bébas
Mars / Marih / Anggara ♂

Mars (ᮙᮛ᮪ᮞ᮪) atawa Marih (ᮙᮛᮤᮂ) atawa Anggara (ᮃᮀᮌᮛ) nyaéta planét pangdeukeutna kaopat ti Panonpoé. Ngaranna dicokot tima ngaran Déwa perang Yunani kuna. Tapi planét ieu ogé dipikawanoh minangka planét beureum alatan paromanna anu semu beureum.

Lingkungan Mars leuwih someah pikeun kahirupan dibandingkeun kaayaan Planét Vénus. Sanajan kitu, kaayaanana teu cukup idéal pikeun manusa. Suhu hawa anu tiis pisan sarta tekenan hawa anu kurang, ditambah ku komposisi hawa anu lolobana ngandung karbondioksida, ngabalukarkeun manusa kudu ngagunakeun pakakas bantu napas lamun hayang cicing di ditu. Misi-misi ka planét beureum ieu, nepi ka panungtung abad ka-20, tacan manggihan tapak kahirupan di dinya, sanajan anu kacida basajan.

Planét ieu mibanda 2 satelit, nyaéta Phobos jeung Deimos. Planét ieu muter salila 687 poé dina ngurilingan panonpoé. Planét ieu ogé ngalakonan rotasi. Waktu rotasina 24,62 jam.

Dina mitologi Yunani, Mars idéntik jeung déwa perang, nyaéta Aries, anakna Zeus jeung Héra.

Di planét Mars, aya hiji ciri mandiri (unik) di wewengkon Cydonia Mensae. Ciri ieu mangrupa hiji pabukitan anu lamun ditempo ti luhur jiga hiji beungeut manusa. Réa jelema anu nganggap hal éta minangka hiji bukti ayana peradaban anu geus lila musnah di Mars, sanajan di mangsa kiwari, geus kabuktian yén ciri kasebut saukur hiji paroman alam nu ilahar.

Tumbu ka luar[édit | édit sumber]