Java Jive

Ti Wikipédia Sunda, énsiklopédi bébas
Loncat ke navigasi Loncat ke pencarian

Java Jive nyaéta grup musik asal Bandung anu anggotana Capung, Noey, Tony, Edwin, Fatur, jeung Danny[1]. Java Jive dibentuk taun 1989 ku Edwin jeung Noey anu harita sakola di SMAN 2 Bandung[1]. Ngaran Java jive sorangan dicokot ti salah sahiji judul lagu grup vokal Manhattan Transfer[1]. Capung asup ka Java Jive ngagantikeun Micko nu pindah ka grup musik protomena[1].

Karir[édit | édit sumber]

Karir Java jive dimulai nalika manggung di kafé-kafé di Bandung bari néang pangalaman cenah[2]. Ti Dinya Java jive mulai manggung di Bandung jeung jakarta, misalna di Hard Rock Cafe[2]. Taun 1993, Java Jive ngaluarkeun album JavaJive I ku perusahaan rekaman Musica Studio's kalayan lagu andalan Kau Yang Terindah[2]. Sanggeus éta, taun 1995, Java jive ngarilis album JavaJive II kalayan lagu andalan permata cina jeung Permataku[2]. JavaJive Album 3 dirilis taun 1997 kalayan hits Buah Hati jeung Beri kami Cinta[2]. JavaJive IV dirilis taun 1999 kalayan lagu andalan Dia jeung Sisa Semalam, sarta album The Best Of JavaJive dirilis taun 2003[2]. Diteruskeun ku album JavaJive: 1993-2006 anu ngawengku 3 single anyar jeung lagu-lagu hits nu aya di Album-album saacanna. Taun 2008, Java jive ngarilis album Stay Gold[2].

Salian ti nyieun karya, para persnil Java jive ogé boga widang garapan séwang-séwangan. Noey jeung Capung jadi produser sababaraha grup musik, saperti Peterpan, Caffeine, D'Massive jeung Letto[2]. Lian ti éta Noey ogé jadi produser grup musik Kapten, Mary jane, Nidji, Utopia, jsté[2]. Danny aktip bareng grup musik asal bandung, Time Bomb. Fatur aktip dina proyék solona jeung duétna bareng Nadila[2]. Edwin gawé di Salah sahiji Stasion Radio swasta di Bandung, sedengkeun Toni mah ngabantuan arransemén di Sababaraha proyék musisi di bandung[2].

Référénsi[édit | édit sumber]

  1. a b c d Java Jive-kapanlagi.com (diaksés tanggal 2 Nopémber 2011)
  2. a b c d e f g h i j k Java jive-Musica Studio(diaksés tanggal 2 Nopémber)


Nulis.jpg