Joseph Plateau
Joseph Antoine Ferdinand Platéau (Bruxelles, 14 Oktober 1801 – Ghent,[1] 15 Séptémber 1883) nyaéta saurang fisikawan Bélgia. Anjeunna nyaéta jalma munggaran anu ngadémonstrasikeun ilusi gambar gerak. Pikeun ngalakukeun ieu, anjeunna maké piringan anu diputerkeun pikeun ngabalikan deui gambar anu dijieun sapotong-sapotong unggal gerakanana pikeun ngajadikeun hiji gerakan utuh. Anjeunna nyebut éta alat téh minangka penakistoskop dina taun 1832.
Bapana lahir di Tournai, nyaéta saurang juru lukis kembang anu boga bakat hadé.[2] Numutkeun Van der Mensbrugghe (1885, kaca 390), dina umur genep taun, Joseph Pletéau geus mampuh maca, jeung ngajadikeun anjeunna minangka budak anu luar biasa dina mangsa harita. Nalikaasup ka sakola utama, anjeunna pohara katarikna kana pangajaran fisika: alatan ningali hiji prakték percobaan, anjeunna tuluy boga jangji ka dirina sorangan pikeun nimukeun rusiah tina éta ékspérimen. Anjeunna ngeusian waktu pakansi sakolana di Marche-Les-Dames, bareng mamangna jeung kulawargana: dulur-dulurna di antarana nyaéta Auguste Payen, anu tuluy jadi arsiték jeung disainer sipil dina widang rél karéta Bélgia. Nalika umur opat welas taun bapa jeung indungna tilar dunya: alatan trauma nu karandapan, anjeunna tuluy jadi pohara tunggarana.
Sumber[édit | édit sumber]
- ↑ Tingali (Van der Mensbrugghe 1885, kaca 389): dina referensi ieu, ditulis ku minantuna, Ghent ditulis ku Gand, nyaéta ngaran anjeunna dina Basa Perancis
- ↑ Tingali (Van der Mensbrugghe 1885, kaca 390): ieu tulisan biografi the dipake minangka sumber rujukan utama
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |