Kabupatén Teluk Bintuni

Ti Wikipédia Sunda, énsiklopédi bébas
Loncat ke navigasi Loncat ke pencarian

Kabupatén Teluk Bintuni nyaéta salah sahiji kabupatén anu aya di wilayah Papua Kulon. Dumasar hukum pambentukan wilayah ieu nyaéta UU Nomor 26 Tahun 2002/LN Nomor 129 Tahun 2002. Kabupaten Teluk Bintuni diresmikeun tanggal 11 November 2002. Taun 2015, kabupatén ieu ditetepkeun jadi Kawasan Ekonomi Khusus anu fokus kana pemwangunan pabrik pupuk jeung industri petrokimia berbasis migas (minyak jeung gas).

Kabupatén Teluk Bintuni

Kabupaten Teluk Bintuni
Ségel resmi {{{official_name}}}
Ségel
Lua error in Modul:Location_map at line 417: Unable to find the specified location map definition. Neither "Module:Location map/data/Indonesia Bird's Head Peninsula" nor "Template:Location map Indonesia Bird's Head Peninsula" exists.
Koordinat: Lua error in package.lua at line 80: module 'Module:ISO 3166/data/ID' not found.
NagaraIndonesia
PropinsiPapua Kulon
Ibu KotaBintuni
Pamaréntahan
 • BupatiPetrus Kasihiuw
 • Wakil BupatiMatret Kokop
Lega
 • Total20.840,83 km2 (804,669 sq mi)
Pangeusi
 (2017)
 • Total76,932 jiwa
Zona wanciUTC+9 (Indonesia Eastern Time)
Area code(+62) 955
Ramatlokatelukbintunikab.go.id

Kondisi Umum[édit | édit sumber]

Lega Wilayah[édit | édit sumber]

Lega wilayah Kabupatén Teluk Bintuni nyaéta 18.114 Km² anu kaasup 13,02 % wilayah Provinsi Papua Barat.

Wates Wilayah[édit | édit sumber]

Di handap ieu dijelaskeun wates-wates wilayah Kabupatén Teluk Bintuni dumasar Undang-undang Republik Indonesia Nomor 26 Tahun 2002.

Kalér Distrik Aifat Timur, Kabupaten Sorong Selatan dan Distrik Kebar, Testega, Menyambouw,Sururey Kabupaten Manokwari
Kidul Distrik Kaimana, Teluk Arguni Kabupaten Kaimana dan Distrik Kokas Kabupaten Fakfak
Kulon Teluk Bintuni; Distrik Kokoda, Aifat Timur Kabupaten Sorong Selatan
Wetan Distrik Ransiki, Kabupaten Manokwari; Distrik Wamesa, WindesiWasior Barat Kabupaten Teluk Wondama; dan Distrik Yaur Kabupaten Nabire

Kasehatan[édit | édit sumber]

Taun 2017, Kabupatén Teluk Bintuni meunang pangajén United Nations Public Service Award (UNPSA) ti Persatuan Bangsa-Bangsa (PBB) sabab pamaréntahna berhasil nurunkeun angka morbiditas jeung sumebarna panyakit malaria.[1] Padahal wilayah Papua jeung Papua Kulon téh kaasup kana kategori endemis tinggi sumebarna panyakit malaria.

Program anu berhasil mawa bintuni ngahontal pangajén éta, nyaéta program anu disebut Early Diagnosis and Treatment (EDAT). Program ieu diterapkeun ti taun 2010 jang merangan malaria anu loba ngajangkit warga satempat. Reungit Anopheles anu mawa panyakit malaria, réa hirup di kabupatén anu 50% wilayahna masih kénéh rawa mangrove. Sistem EDAT jadi jawara dina kategori "Ngajangkau anu Paling Miskin tur Rentan Liwat Layanan Inklusif jeung Kamitraan di wilayah Asia Pasifik." Program ieu dilaksanakeun ku cara ngabentuk Juru Malaria Kampung (JMK) atawa spesialis malaria anu tugasna ningkatkeun kasadaran jeung méré pendidikan ka masarakat ngeunaan idéntifikasi, pencegahan, jeung pangobatan malaria. Aparat anu boga kakaitan jeung program ieu ogé ditugaskeun jang ngalatih warga jadi petugas kaséhatan, ngawadahan obat malaria sangkan leuwih gampang dipaké, sarta mastikeun kualitas obat-obatan éta. Dina ngalaksanakeun program ieu, pamaréntah Kabupatén Teluk Bintuni kerja sama jeung organisasi non-pamaréntah sarta séktor swasta.

Saprak sistem EDAT diterapkeun di taun 2010, angka kejadian malaria berhasil dikurangan. Taun 2015, kasus malaria turun jadi 2,4 kajadian per 1.000 penduduk. Dalapan taun saterusna, nyaéta taun 2017, program ieu berhasil ngurangan sumebarna malaria nu awalna 9,2% nepi ka jadi 0,02% hungkul di 12 désa. Salian ti ngurangan sumebarna malaria, program EDAT ogé berhasil ngurangan tingkat morbiditas malaria nu awalna 115 pasén per 1.000 penduduk (taun 2009) jadi 5 pasén per 1.000 penduduk (2016). Pasén-pasén éta ogé asalna ti luar wilayah Kabupatén Teluk Bintuni sementara warga lokal sorangan geus teu aya anu kajangkit.

Ekonomi[édit | édit sumber]

Taun 2015, Kabupatén Teluk Bintuni ditetepkeun jadi Kawasan Ekonomi Husus anu fokus kana pemwangunan pabrik pupuk jeung industri petrokimia berbasis migas (minyak jeung gas). Rencanana industri ieu bakal dipuseurkeun di lahan anu legana 2,112 Ha di Desa Onar Baru, Distrik Sumuri tur bakal dikelola ku BUMN, PT Pupuk Indonesia.[2] Loka Laman KPPIP (Komite Percepatan Penyediaan Infrastruktur Prioritas) nyatetkeun yén total investasi di Bintuni ngahontal Rp. 31,400 triliun. Diperkirakeun jumlah tenaga kerja anu bakal kaserep ku industri ieu nyaéta 51,500 jalma.[3]

Distrik/Kecamatan[édit | édit sumber]

Awalna, Kabupatén Teluk Bintuni ngan boga 10 distrik hungkul. Nanging, saprak diterbitkeunna Peraturan Daerah Nomor 3 Tahun 2007 minangka Pembentukan Distrik di Wilayah Kabupaten Teluk Bintuni, daérah ieu jadi miboga 24 distrik[4].

Nami Distrik Ibukota Lega Wilayah (km²)
Bintuni Bintuni Barat 421,75
Babo Irarutu III 687,43
Merdey Merdey 789,44
Aranday Aranday 72,00
Moskona Kidul Jagiro 929,62
Moskona Kalér Moyeba 679,43
Tembuni Tembuni 1326,00
Fruata Fruata 1171,00
Wamésa Idoor 816,00
Kuri Sarbé 1611,00
Manimeri Bumi Saniari 316,32
Tuhiba Tuhiba 263,60
Dataran Beimés Horna 316,32
Sumuri Tofoi 1922,00
Kaitaro Sara 859,29
Aroba Aroba 859,29
Mayséta Mayséta 451,11
Biscoop Jahabra 789,44
Tomu Sebyar Rejosari 572,00
Kaomundan Kalitami I 572,00
Weriagar Weriagar 715,00
Moskona Kulon Meyerga 743,69
Meyado Meyado 743,69
Moskona Wétan Igomu 509,57

Penduduk[édit | édit sumber]

Jumlah Penduduk[édit | édit sumber]

Dumasar catetan Sénsus Penduduk 2010, jumlah penduduk Kabupatén Teluk Bintuni nyaéta 52.403 jalma, anu kasusun ti 29.022 pameget jeung 23.381 istri. Tina sensus éta katingali yén penyebaran penduduk berpusat di Distrik Bintuni nyaéta 35,40 persén, dituluykeun ku Distrik Sumuri 12,5 persén, jeung Distrik Manimeri 10,14 persén sementara distrik-distrik séjéna di handap 7 persén.

Distrik Bintuni, Distrik Sumuri, jeung Distrik Manimeri téh 3 distrik anu boga penduduk panglobana nyaéta masing-masing 18.552 jalma, 6.571 jalma, dan 5.313 jalma. Ku legana anu kurang leuwih 18.637 kilo meter persegi tur dicicingan ku 52.403 jalma, maka rata-rata tingkat kapadetana nyaéta 3 jalma per kilo meter persegi.

Referénsi[édit | édit sumber]

  1. Pramuji, Sandy (2018-06-28). "Pemberantasan malaria di Teluk Bintuni jadi contoh dunia" (dalam bahasa en-ID). https://beritagar.id/. https://beritagar.id/artikel/berita/pemberantasan-malaria-di-teluk-bintuni-jadi-contoh-dunia. Diakses pada 2018-11-26 
  2. "Program Kerja Ditjen PPI Tahun 2016". Loka resmi Kementerian Perindustrian Republik Indonesia. Kementerian Perindustrian Republik Indonesia (Kemenperin RI). Diakses tanggal 26 November 2018. 
  3. "Kawasan Industri Teluk Bintuni, Papua Barat". Komite Percepatan Penyediaan Infrastruktur Prioritas. Diakses tanggal 26 November 2018. 
  4. "Perda Teluk Bintuni No 20 Tahun 2007" (PDF). Pemerintah Kabupaten Teluk Bintuni. Diakses tanggal 26 November 2018.