Kajahatan dunya maya

Ti Wikipédia Sunda, énsiklopédi bébas

Kajahatan dunia maya atawa dina basa Inggrisna disebut Cybercrime téh nyaéta istilah anu nyoko kanu kagiatan kajahatan ku komputer atawa jaringan komputer anu jadi alat, sasaran jeung tempat kajadian kajahatanana.[1] Anu kaasup kana kajahatan ieu antara lain nyaéta nipu dinu lélang ku cara daring, pamalsuan cék, nipu maké kartu krédit (carding), pornograpi anak jeung sajabana.[1].
Wangenan kajahatan komputer numutkeun para ahli nyaéta: Andi Hamzah dinu bukuna “Aspek-aspek Pidana di Bidang Komputer” (1998) nyebutkeun yén kajahatan komputer téh nyaéta kajahatan di bidang komputer anu sacara umum bisa dihartikeun minangka panggunaan komputer sacara ilegal.[2].

Awal mulana kajahatan narajang di dunia Jaringan komputer nyaéta taun 1988 nu leuwih dipikawanoh ku istilah “Cyber attack”.[rujukan?] Di waktu éta aya salah saurang mahasiswa nu tiasa ngajieun worm atau virus anu nyerang program komputer nepi ka bisa maéhan kira-kira 10% dinu saluruh jumlah komputer di dunia anu dihubungkeun kanu Internet.[1]

Di taun 1994 saurang murid sakola musik anu yuswana karék 16 taun nyaéta Richard Pryce atau nu leuwih dikenal ku ngarana “Datstream Cowboy” ditahan ku sabab manéhna asup sacara ilégal ka jero ratusan sistem komputer rahasia kaasup pusat data di Graffits Air Force, NASA, jeung Korean Autonomic Research Institute atawa badan panalutngikan atom Korea.[rujukan?] Dina introgasina ku ‘FBI’, manéhna ngaku diajar Hacking jeung Cracking téh di hiji jelema nu di kenalna dinu Internet nepi ka ahirna ngajadikeun manéhna salaku guru, manéhna boga julukan “Kuji” jeung hebatna nepi ka ayeuna si Kuji éta téh can pernah kanyahoaan di mana ayana.[2]

Bisa dicindekkeun yén Cybercrime téh nyaéta hiji kalakuan anu ngalanggar hukum anu di pigawé ku saurang atau sakelompok jelema ku cara mangpaatkeun media komputer atau jaringan internet.[2] Palakuna biasana jelema anu ngarti pisan kanu komputer jeung jaringannna, ogé ngarti kanu sagala aplikasi-aplikasi anu dipaké pikeun migawé ieu kajahatan.[2] Dampak karugian anu di akibatkeun ku ieu kajahatan téh biasana leuwih gedé daripada kajahatan anu biasa atau kajahatan di dunia nyata sarupa maling, ngabégal jeung sajabana.[1]

Referensi[édit | édit sumber]

  1. a b c d Mia Lesmayani SE SAk.2014.Modul Sistem Informasi Akuntansi.Bandung.
  2. a b c d [1] Cyber Crime (diakses 31 Desember 2014)