Kaméra

Ti Wikipédia Sunda, énsiklopédi bébas
Kaméra

Kaméra mangrupa alat pikeun ngaabadikeun gambar.[1] Mimitina kaméra disebut camera obscura, anu aslna ti basa Latin anu hartuna ldquo (rohangan poék) atawa rdquo.[1] Kaméra obscura mangrupa hiji instrumen anu ngawengku rohangan anu poék atawa box, anu bisa mantulkeun cahaya ngaliwatan 2 lénsa konveks, tuluy nendeun éta gambar objék éksternal kasebut dina kertas atawa film anu ditendeun dina pusat pokus tina lénsa kasebut.[1]

Sajarah[édit | édit sumber]

Kaméra obscura anu munggaran kapanggih ku saurang ilmuan muslim anu ngarana Alhazen saperti anu dijelaskeun dina bukuna anu judulna Books of Optics (1015-1021).[1] Dina taun 1660an ilmuwan Inggris Robert Boyle jeung babaturana Robert Hooke manggih portable camera obscura.[1] Kaméra nu munggaran anu geus praktis, mimitina kapanggih ku Johann Zahn dina taun 1685.[1] Kaméra fotografi mimitina loba nu nerapkeun prinsip modél Zahn, di mana osok maké slide panambah anu dipaké pikeun mokuskeun objék.[1] Carana nyaéta méré tambahan pikeun platsensitif di hareupen lénsa kaméra kasebut unggal saencan nyutat gambar.[1] Jacques Daguerre mangrupa salah saurang anu miboga peran pikeun kamekaran dunia téknologi kaméra sakaligus méré jasa dina kamékaran dunia fotogarfi.[1] Daguerre dilahirkeun taun 1787 di kota Cormeilles di Perancis.[1] Basa ngorana salah saurang seniman.[1] Dina umur 30 taunan manéhna ngarancang diograma, barisan lukisan panénjoan anu éndah.[1] Salila manéhna keur ngagarap pagawéan, manéhna kairut pikeun mekarkeun hiji mékanismé sacara automatik ngagambarkeun deui panénjoan anu aya teu maké deui koas jeus cét nyaéta kaméra.[1] Dina taun 1827 manéhna papanggih jeung ia bertemu dengan Joseph Nicephore Niepce anu sarua keur nyobaan nyiptakeun kaméka.[1] Satuluyna dua taun ka hareup maranéhna gawé bareng dina nyiptakeun kaméra.[1] Di taun 1833 Niepce tilar dunya, tapi Daguerre tetep panceg dina galur pikeun nuluykeun niptakeun kaméra.[1] Taun 1837 Manéhna berhasil mekarkeun hiji sistem praktis fotografi anu disebut daguerreotype.[1] " Taun 1839 Daguerre méré nyaho publik bari teu maténkeun.[1] Daguerre tilar dunya dina taun 1851 di Paris.[1]

Rupa-rupa kaméra[édit | édit sumber]

Rupa-rupa kaméra dumasar kana teknologi viewfinder :

  1. Kaméra pésak atawa ''Digital Pocket Camera''.[2]
  2. Kaméra SLR ( Single Lens Reflex ).[2]
  3. Kaméra Digital SLR.[2]
  4. Kaméra Super-Zoom.[2]
  5. Kamera TLR[3]

Rupa-rupa kaméra dumasar kana media nangkapna cahaya :

  1. Kamera polaroid.[3]
  2. Kamera digital.[3]

Rupa-rupa kaméra dumasar kana mekanisme gawéna :

  1. Kamera single lens reflect.[3]
  2. Kamera instan.[3]

Ngurus[édit | édit sumber]

Ngurusan bagéan luar kaméra, bersihkeu bagéan luar awak kaméra ku kaén anu lemes. Paké blower pikeun nyingkahan kebul anu némpél dina éta kaméra.[4] Cara mersihan bagéan jerona mimitina maké blower, sedengkeun pikeun kebul anu hésé mah maké blower brush.[4] Mulasara lénsa, ulah nyabak bagéan optis lénsa ku ramo, paké filter paranti nutupan atawa paké lens hood.[5] Ulah poho maké tutup lénsa lamun keur teu dipaké sangkan kebul teu arasup.[5] Lamun rék ngabersihan lénsa saméméhna paké blower heula, tuluy lens brush, terus lens cloth.[5] Mulasara batréulah ngachas kaleuleuwihi.[5] Lésotkeun batré tina jero kaméra lamun keur teu dipaké.[5] Usahakeun maké batré anu asli.[5] Mulasara kartu mémori, biasakeun nendeun kartu mémori di jero casingna sangkan teu ka kebulan.[5] Nendeun kaméra alusna mah dina drybox anu maké alat pangukur kelembaban pikeun nendeun kaméra atawa tendeun dina jero plastik ber-clip anu dibéré silica gel, tendeun dina tempat garing jeung jauhan barang-barang anu ngandung magnét.[5]

catetan[édit | édit sumber]

  1. a b c d e f g h i j k l m n o p q r s Sejarah kamera (Dicutat tanggal 5 November 2011)
  2. a b c d Mengenal Jenis Kamera Digital: Saku Superzoom dan SLR Archived 2011-12-03 di Wayback Machine (Dicutat tanggal 19 November 2011)
  3. a b c d e Asal usul kamera!!! Archived 2012-01-10 di Wayback Machine (Dicutat tanggal 19 November 2011)
  4. a b Tips Merawat Kamera DSLR(Dicutat tanggal 19 November 2011)
  5. a b c d e f g h Perawatan Kamera dan Asespris(Dicutat tanggal 19 November 2011)