Kaos kaki

Ti Wikipédia Sunda, énsiklopédi bébas
Rupa-rupa mérek kaos kaki.

Kaos kaki nyaéta garmén anu dijieun keur nutupan atawa ngajaga suku manusa.[1] Kaos kaki dirarancang keur sababaraha kapereluan saperti ngurangan gésékan antara suku jeung dadampar suku, ngajaga suku sangkan teu tiis waktu usum nyijih, nyerep késang suku nu matak bau, jeung sajabana. [1] Warna kaos kaki téh rupa-rupa, sanajan umumna warna hideung keur kagiatan resmi atawa bodas keur olahraga jeung rinéh. Kaos kaki warna dipaké keur seragam tim olahraga sangkan kaciri bédana antara tim nu hiji jeung tim nu séjén. Warna nu leuwih variatif, ngabalukarkeun kaos kaki bisa narik ati balaréa atawa masarakat nu makéna.[1]

Bahan[édit | édit sumber]

Katun[édit | édit sumber]

Bahan katun anu dipaké biasana katun combed 20s Archived 2021-10-04 di Wayback Machine, 24 s, jeung 30 s. Katun dipilih sabab karakter benangna leuwih lemes jeung rata. Sugema lamun dipaké kajaba lamun maké kaos kaki bahan katun suku téh bakal karasa leuwih haneut.[2]

Benang Wool[édit | édit sumber]

Serat nu aya dina kaén wool kaasup nu pangkolotna di dunya. Benang wool kawentar ku kualitas kaénna nu lemes. Hanjakalna, harga kaén wool téh leuwih mahal tibatan kaén séjénna.[2]

Bahan Acrylic[édit | édit sumber]

Bahan acrylic kawentar bahan nu kandel, jadi lamun dijieun kaos kaki bisa ngahasilkeun kualitas nu kurang, sabab teu bisa nyerep késang tina suku malah bakal ngabalukarkeun bau.[2]

Bahan Spandék[édit | édit sumber]

Bahan spandek campuran bahan dasar benang katun jeung polyurethane. Sipat bahan spandék téh élastis. Hanjakalna kaos kaki tina spandék mah leuwih gancang ngabulu, komo teu dipiara kalawan bener mah.[2]

Benang Nylon [édit | édit sumber]

Benang nylon kaasup bahan kaos kaki anu lemes jeung ngenyod. Hanjakalna ieu bahan gancang ruksak komo lamun ngait kana barang nu séjén.[2]

Polyester[édit | édit sumber]

Bahan polyester dijieun plastik sintésis. Ieu bahan téh ukur jadi campurnana wungkul lain jadi bahan utama.[2]

Benang Varia[édit | édit sumber]

Benang varia téh méh sarua jeung katun, ngan hanjakalna lamun dirarasakaeun mah leuwih kasar.[2]

Rujukan[édit | édit sumber]

  1. a b c "Pengertian dan Fungsi Kaos Kaki". Sigodang Pos. https://www.sigodangpos.com/. Diakses pada 2017-11-20 
  2. a b c d e f g "Jenis Bahan yang Digunakan untuk Membuat Kaos Kaki" (dalam bahasa en-US). Jasa Sablon dan Konveksi Kaos di Jakarta dan Tangerang Raya. 2016-10-12. https://berkaos.com/jenis-bahan-yang-digunakan-untuk-membuat-kaos-kaki/. Diakses pada 2017-11-20