Karl von Terzaghi

Karl von Terzaghi (Praha, 2 Oktober, 1883 – Winchester, Massachusetts, 25 Oktober, 1963) nyaéta salah saurang ahli téhnik sipil Austria, kawentar minangka Bapak Mékanika taneuh. Terzaghi salah saurang ahli sipil nu gedé pangaruhna dina widang téhnik sipil dina abad ka-20 [1] Archived 2007-09-28 di Wayback Machine

Biografi[édit | édit sumber]

Awal kahirupan[édit | édit sumber]

Karl von Terzaghi budak munggaran ti Letnan Kolonel Anton Terzaghi jeung Amalia Eberle di Praha, salah sahiji kota gedé nu mangsa harita bagéan ti Karajaan Habsburg, dumasar kana aturan ti Franz Josef, Kaisar Austria. Sanggeus Anton pangsiun ti tangtara, sakulawarga pindah ka Graz, Austria. Kulawarga Anton mibanda tradisi nu kuat di militer, basa umur 10 taun Karl geus dikirim ka sakola militer. Karl miresep kana astronomi jeung géografi, sarta dina umur 14 taun asup ka sakola militer séjén, nu mangsa kiwari di Hranice, Republik Ceko. Karl téh siswa nu pinter, utamana dina géomteri jeung matematika, sarta lulus kalawan meunang kahormatan dina umur tujuh welas taun. Karl neruskeun ka Technical University in Graz dina widang téhnik mesin. Karl resep kacida téori mekanik, ngan hanjakal jadi mahasiswa nu kasar jeung resep ribut, nepi ka ahirna ampir-ampiran dikaluarkeun. Karl lulus cum laude dina taun 1900, tapi mutuskeun pindah ka widang téhnik sipil. Dina mangsa digawe jadi tentara salila sataun, Karl nerjemahkeun sarta nyusun panduan géologi tina basa Inggris kana basa indung manéhna nyaéta basa Jerman. Sataun ti harita, Karl balik deui ka universitas sarta ngajar géologi tur dikombinasikeun dina mata kuliah téhnik jalan raya jeung jalan kareta api. Dina waktu nu sakeudeung, Karl mimiti nulis karya ilmiahna, dina the geology of terraces of southern Styria.

Awal kahirupan profesional[édit | édit sumber]

Pagawéan mimiti Karl jadi tehnik désain yunior keur pausahaan Adol Baron Pittle, Wina. Pausahaan ieu loba pakait jeung pagawéan anyar dina widang "pembangkit listrik tenaga air " tur Karl loba pakait jeung masalah géologi di ieu parusahaan. Sabab kamampuan Karl anu hadé dina taun 1908, Karl jadi manajer di widang lokasi konstruksi, pagawe sarta reinforced structures baja. Karl mimiti nyieun proyék waduk nu ambisius tur prestius di Kroasia. Karl ogé sanggup ngarengsekeun proyék anu kacau di Santa Petersburg. Salila genep bulan di Rusia, Karl nyieun modél grafik keur désain tangki industri, sarta diusulkeun minangka disertasina keur program doktorna di universitas. Prestasina nu nyongcolang méré jalan ka manéhna pikeun leuwih maju. Dina taun 1912, Karl mutuskeun pindah ka Amérika.

Rujukan[édit | édit sumber]

R. E. Goodman, Karl Terzaghi American Society of Civil Engineers (1999) ISBN 0-7844-0364-3.

Tempo ogé[édit | édit sumber]

Buku[édit | édit sumber]

(a partial list)

Terzaghi, K., Theoretical Soil Mechanics, John Wiley and Sons, New York (1943) ISBN 0-471-85305-4.
Terzaghi, K., Peck, R. B. and Mesri, G., Soil Mechanics in Engineering Practice, 3rd Ed. Wiley-Interscience (1996) ISBN 0-471-08658-4.
Terzaghi, K., "Large Retaining Wall Tests", Engineering News Record Feb.1, March 8, April 19 (1934).
Terzaghi, K., From theory to practice in soil mechanics;: Selections from the writings of Karl Terzaghi, with bibliography and contributions on his life and achievents John Wiley and Sons (1967).

Tumbu kaluar[édit | édit sumber]

ejge.com/Terzaghi.htm Archived 2007-07-14 di Wayback Machine