Austria

Ti Wikipédia Sunda, énsiklopédi bébas
Republik Österreich
Républik Austria
Bandéra Austria Lambang Austria
Lagu
Fruhlingsstimmen
satacanna Land der Berge, Land am Strome
Location of Austria
Location of Austria
Ibu kota
(jeung kota panggedéna)
Wina
Basa resmi Jérman
Pamaréntah Républik
 -  Présidén Alexander Van der Bellen
 -  Kanselir Karl Nehammer
Kamerdékaan Ti Austria-Hongaria 
Aréa
 -  Total 83.879 km² (112)
 mil² 
 -  Cai (%) 1,3%
Populasi
 -  Perkiraan  October 2020 8.935.112 (93)
 -  Sénsus 2021 8.932.664 
 -  Kapadetan 106 /km² (106)
 /mil²
GDP (PPP) Perkiraan 2018
 -  Total US$411,4 miliar (46)
 -  Per kapita US$51.936 (17)
Mata uang Euro 1 (EUR)
Zona wanci (UTC+1)
 -  Usum panas (DST)  (UTC+2)
TLD Internét .at
Kode telepon +43
1. Mata uang satacan 2002 nyaéta Schilling.

Républik Austria (basa Jérman: Republik Österreich) mangrupa hiji nagara nu aya dina daratan Éropa Tengah. Tepung wates jeung Jérman jeung Céska di kalér, Slowakia jeung Hongaria di wétan, Slovénia jeung Italia di kidul, jeung Swiss jeung Liechtenstein di kulon. Ibu kotana nyaéta Wina. Austria katelah jeung musik klasikna.

Austria mangrupa nagara nu nganggo sistem démokrasi répréséntatif parleménter nu diwangun ti salapan nagara bagian fédéral. Austria jadi nagara anggota PBB ti 1955 jeung Uni Éropa ti 1995.

Asal ngaran[édit | édit sumber]

Dina basa Jérman, ngaran Österreich bisa ditarjamahkeun kana “Karajaan Wétan”. Kecap éta dicandak ti kecap ti basa Jérman Kuna Ostarrîchi. Istilah ieu mereun asalna ti tarjamahan ti Basa Latin pikeun ngaran wewengkon éta: Marchia orientalis, nu hartina “wates wétan”, soalna ogé nagara éta aya dina bagian wétan ti Kakaisaran Romawi Suci.

Sajarah[édit | édit sumber]

Wewengkon Austria nu awalna dikenal salaku Karajaan Norikum nu dipingpin ku salah sahiji séké Kelt, jeung mangrupa batur lami Romawi. Wewengkon ieu dicicingan (lain ditalukan) ku urang Romawi dina pamaréntahan Augustus jeung dijieun Propinsi Norikum dina taun 16 SM. Teras, Austria ditalukan ku Hun, Lombardia, Ostrogoth, Bavaria, jeung Franka. Saenggeus diparéntah 48 taun ku Hongaria (ti taun 907 nepi ka 955), wewengkon inti Austria dipasihan ka Léopold ti Babenberg dina taun 976. Saenggeus mangrupa bagian ti Kakaisaran Romawi Suci, Babenberg miboga pamaréntahan ti abad ka-10 nepi ka abad ka-13. Saenggeus Pangéran Fréderick II mangkat dina taun 1246 jeung teu kagungan panerus, Rudolf I ti Wangsa Habsburg ngabagikeun taneuhna ka murangkalihna nu lalaki jeung ngamimitian wanci pamaréntahan Wangsa Habsburg nepi ka awal abad ka-20.

Saenggeus labuhna Kakaisaran Romawi Suci dina 1806, diwangun Kakaisaran Austria. Saenggeus silih sihung jeung Karajaan Prusia pikeun ngadominasian karajaan-karajaan bangsa Jérman saenggeus Perang Napoléon, diwangun dwimonarki Kakaisaran Austria-Hongaria dina 1867. Kakaisaran ieu meupeus kana raloba nagara saenggeus runtuhna Kakuatan Tengah dina Perang Dunya I, salah sahijina nyaéta Républik Austria salaku awal ti nagara Austria modérn.

Dina 1918, Austria mangrupa hiji nagara républik nepi ka taun 1934 wanci Engelbert Dollfuss nyieun sistem diktator. Austria dijajah ku Jérman dina rézim Nazi taun 1938. Saenggeus Jérman éléh dina Perang Dunya II, administrasi Austria dipibanda ku sekutu. Dina taun 1955 Austria dibébaskeun jeung jadi hiji nagara républik nu merdéka, saratna Austria kedah nétral.

Nagara Bagian[édit | édit sumber]

 Artikel utama: Nagara Bagian Austria.

Austria dibagi kana salapan nagara bagian, (di Austria disebut Bundesländ/er). Nagara bagian ieu teras dibagi deui kana distrik (Bezirk) jeung kota (Stadt). Salajengna dina tingkat nu leuwih leutik dibagi kana Gemeinde.

Peta bagian administratif Austria
Peta bagian administratif Austria
Nagara Bagian Ibu kota
1 Burgenland Eisenstadt
2 Kärnten Klagenfurt
3 Niederösterreich St. Pölten
4 Oberösterreich Linz
5 Salzburg Salzburg
6 Steiermark Graz
7 Tirol Innsbruck
8 Vorarlberg Bregenz
9 Wien Wina

Tempo ogé[édit | édit sumber]

Tumbu luar[édit | édit sumber]

   Tempo ogé Austria di Wikivoyage