PBB

Ti Wikipédia, énsiklopédia bébas
Luncat ka: pituduh, paluruh

GOOD MORNING. PBB atawa Perserikatan Bangsa-Bangsa (Inggris : United Nation / UN) mangrupa hiji organisasi anu mayungan nagara-nagara di dunya dina raraga ngamumulé kerjasama internasional dina sagala widang. PBB mangrupa organisasi gaganti LBB (Indonésia :Liga Bangsa-Bangsa; Inggris : Léague of Nations) anu dianggap gagal ngajaga perdaméyan dunya saenggeus Perang Dunya ka-1. PBB diadegkeun tanggal 24 Oktober 1945 saréngséna Perang Dunya ka-2. Tujuan dibentukna éta organisasi internasional téh teu lain deui nyaéta pikeun ngajaga supaya konplik gedé anu ngagégérkeun dunya saperti Perang Dunya I jeung II teu kajadian deui. Nalika mimiti dibentuk PBB ngan saukur mibogaan 51 nagara anggota; nepi ka poé ayeuna PBB geus mibogaan 193 nagara anggota. PBB mibogaan kantor pusat di Manhattan, New York City, éta kantor pusat PBB mibogaan hak istiméwa anu disebut hak ékstratéritorial. Sedengkeun kantor utama PBB anu lian aya di Jénéwa, Nairobi jeung Wina. Organisasi ieu dibiayaan ku cara papatungan tina sumbangan sukaréla ti nagara-nagara anggotana. Tujuan PBB di antarana nyaéta pikeun ngajaga kadaméyan jeung kaamanan dunya, ngampanyeukeun hak asasi manusa, ngabantu pangwangunan sosial jeung ékonomi, ngajaga lingkungan, jeung nyayogikeun bantuan kamanusaan dina kaayaan paceklik, kalaparan, musibah jeung perang.