Kota Prabumulih

Ti Wikipédia Sunda, énsiklopédi bébas
Loncat ke navigasi Loncat ke pencarian
Kota Prabumulih
Lambang kota prabumulih.png

Lambang Kota Prabumulih
The Station of Prabumulih.jpg

{{{caption}}}
Lokasi Sumatra Selatan Kota Prabumulih.svg

Peta lokasi Kota Prabumulih
Motto Seinggok Sepemunyian
Propinsi Sumatra Kidul
Ibukota Prabumulih
Lega Wilayah 456,89 km²
Kordinat {{{kordinat}}}
Pangeusi
 · Jumlah
 · Kapadetan
 
184.245
403 jiwa/km²
Administratif
 · Kacamatan
 · Désa/kal
 
{{{kacamatan}}}
{{{kalurahan}}}
Dasar hukum UU RI No. 6 Tahun 2001
Tanggal 21 Juni 2001
Walikota Ir. H. Ridho Yahya, M.M.
Wakil Walikota H. Andriansyah Fikri, S.H.
Kode aréa 0713
DAU Rp 296.645.058.000,- (2013)

Ramatloka: kotaprabumulih.go.id

Kota Prabumulih nyaéta salah sahiji kota anu aya di Provinsi Sumatra Kalér, Indonesia. Kota Prabumulih aya di koordinat 3°20’09,1” – 3°34’24,7” LS sareng 104°7’ 50,4” – 104°19’41,6” BT[1]. Kota Prabumulih miboga lega 456,89 km² jeung 184.425 pangeusi[2].

Sejarah[édit | édit sumber]

Asal Daérah Prabumulih[édit | édit sumber]

Kota Prabumulih kirang leuwih aya ti 700 taun kapengker, anu kabentuk ti Dusun Pehabung Uleh. Dusun Pehabung Uleh awalna ditemukeun di tempat anu tinggi, nu miboga istilah Mehabung uleh. Keturunan adat di daerah ieu ngadegkeun Dusun Pehabung Uleh anu tumut kana aturan adat Simbur Cahaya[3].

Masa Pamaréntahan Walanda jeung Jepang[édit | édit sumber]

Di masa pamaréntahan Walanda, Pehabung Uleh ganti ngaran jadi Peraboeng Ngoeleh jeung di masa pamaréntahan Jepang, ngaran Pehabung Uleh ganti deui jadi Peraboeh Moelih (Prabumulih). Peraboeh Moelih ngagaduhan pusat pamaréntahan di Tanjung Rambang, nu gaduh sababaraha wilayah pamaréntahan nyaéta Marga Lubai Suku I, Marga Lubai Suku II, Marga Rambang Kapak Tengah. Peraboeh Moelih gabung ka wilayah pamaréntahan Onder Afdeeling Ogan Ulu dina status Pamaréntahan Marga, anu dipingpin ku hiji Pasirah[3].

Masa Kamerdékaan Indonésia[édit | édit sumber]

Saatos kejadian nyerahna Jepang ka Tentara Sekutu, wilayah administratif ganti jadi kewédanaan. Kepala pamaréntahan marga sateuacanna diberhentikeun sareng diganti ku kepala pamaréntahan marga anu anyar anu dipilih ku rahayat taun 1946. Di masa éta, daérah Prabumulih lebet ka Kabupatén Muara Énim, anu pecah jadi Kawédanaan Lematang Ilir jeung Kawédanaan Lematang Ogan Tengah. Kawédanaan Lematang Ogan Tengah gaduh wilayah sapertos Kecamatan Prabumulih, Kecamatan Tanah Abang, jeung Kecamatan Gelumbang[3].

Masa Pamaréntahan Kota Administratif Prabumulih[édit | édit sumber]

Dina bulan Fébruari 1982, numutkeun dina PP RI No. 18 Tauhun 1982, Kecamatan Prabumulih statusna ditingkatkeun jadi Kota Administratif Prabumulih. Kota Administratif Prabumulih mangrupa bagian ti Kabupatén Muara Énim anu miboga luas wilayah 21.953 km², jeung dibagi kana dua kecamatan, nyaéta:

  1. Kecamatan Prabumulih Kulon
    1. Kelurahan Pasar Prabumulih
    2. Kelurahan Prabumulih
    3. Désa Gunung Kemala
  2. Kecamatan Prabumulih Wétan
    1. Désa Karang Raja
    2. Désa Muara Dua
    3. Désa Sukaraja
    4. Désa Tanjung Raman
    5. Désa Karang Jaya
    6. Désa Gunung Ibul
    7. Désa Persiapan Gunung Ibul Kulon

Numutkeun ti SK Gubernur Sumatera Selatan No. 572/SK/III/1992, Kelurahan Pasar Prabumulih dimekarkeun jadi 3 kelurahan anyar, nyaéta Kelurahan Pasar Prabumulih, Persiapan Pasar Prabumulih Kalér, jeung Kelurahan Pasar Prabumulih Kidul. Kelurahan Prabumulih ogé dimekarkeun jadi tilu kelurahan, nyaéta Kelurahan Prabumulih, Persiapan Prabumulih Wétan, jeung Kelurahan Persiapan Prabumulih Kulon[3].

Masa Pamaréntahan Kota Prabumulih[édit | édit sumber]

Numutkeun ti Pérda Kabupatén Muara Énim No. 2 taun 2001, aya dua kecamatan anyar anu dibentuk di Kota Administratif Prabumulih, nyaéta Kecamatan Cambai jeung Kecamatan Rambang Kapak Tengah. Dina mangsa éta, Kota Administratif Prabumulih boga 4 kecamatan, 12 kelurahan, jeung 14 desa. Ku kituna, dina bulan Juni 2001, Kota Administratif Prabumulih naik tingkat jadi Kota Prabumulih numutkeun ti UU Nomor 6 taun 2001 anu dipingpin ku Drs. Sudjiadi salaku Pejabat Walikota Prabumulih. Di taun 2003, Walikota sareng Wakil Walikota Prabumulih kahiji, Drs. H. Rachman Djalili, MM. jeung Yuri Gagarin, SH. MM. dilantik[3].

Géografis[édit | édit sumber]

Iklim jeung Topografi[édit | édit sumber]

Kondisi taneuh Kota Prabumulih didominasi ku taneuh potsolik beureum konéng anu ngagaduhan derajat kadéngdékan 0-40° di 34 meter diluhureun permukaan laut. Kota Prabumulih kaasup daérah tropis baseuh anu gaduh suhu rata-rata 27°C

Batas Daérah[édit | édit sumber]

Sécara géografis, Kota Prabumulih aya di posisi 3°20’09,1” – 3°34’24,7” LS sareng 104°7’ 50,4” – 104°19’41,6” BT[4] anu ngagaduhan lega kirang leuwih 456,89 km²[2]. Kota Prabumulih ngagaduhan opat batas wilayah, nyaéta:

Démografi[édit | édit sumber]

Pangeusi[édit | édit sumber]

Dina taun 2018, Kota Prabumulih gaduh 184.425 pangeusi, anu boga komposisi 91.031 pangeusi pameget jeung 91.394 pangeusi wanoja. Kapadetan pangeusi Kota Prabumulih nyaéta 403 pangeusi/km², jeung kepadetan pangeusi Kota Prabumulih panggedena nyaeta di Kecamatan Prabumulih Kalér, nyaeta 2.967 pangeusi/km²[2].

Atikan[édit | édit sumber]

Di taun 2018, Kota Prabumulih ngagaduhan 101 SD/sederajat, 29 SMP/sederajat, jeung 28 SMA/sederajat. Persentase penduduk melek huruf diluhureun 15 taun masing-masing 99,75% (pameget) jeung 98,20% (wanoja). Mayoritas masyarakat Kota Prabumulih mangrupa lulusan SMA, anu ngagaduhan proporsi 42,87 persen.[2]

Ékonomi jeung Ketenagakerjaan[édit | édit sumber]

Numutkeun ti lapangan usahana, mayoritas pangeusi Kota Prabumulih migawé di séktor jasa (60,95%). Di samping séktor jasa, pangeusi Kota Prabumulih ngagaduhan pagawéan di séktor pertanian jeung industri pengolahan. Di séktor pertanian, komoditas anu jadi produk utama di Kota Prabumulih nyaéta nanas jeung karét. Di samping éta, produk sapertos padi jeung térnak hayam jadi komoditas lain anu diperdagangkeun di Kota Prabumulih. Séktor pertanian nyumbang 6,36% Produk Domestik Regional Bruto (PDRB) Kota Prabumulih[2].

Di séktor industri, industri skala mikro atawa makro di Kota Prabumulih ngalaman perkembangan. Numutkeun data Sensus Ekonomi 2006 jeung 2016 anu dilakonan ku Badan Pusat Statistik Kota Prabumulih, masing-masing jumlah industri di taun 2006 jeung 2016 nyaéta 534 jeung 1.493 industri. Dina 10 taun terahir, pertumbuhan jumlah industri di Kota Prabumulih nepi ka 179,59%. Puseur industri, utamana industri pengolahan di Kota Prabumulih aya di Kecamatan Prabumulih Wétan, disusul ku Kecamatan Prabumulih Kalér jeung Kecamatan Prabumulih Kidul[2].

Rujukan[édit | édit sumber]

  1. "Geografis – Situs Resmi Pemerintah Kota Prabumulih" (dalam en-US). Diakses tanggal 2020-01-05. 
  2. a b c d e f Statistik Daerah Kota Prabumulih 2019. Kota Prabumulih: Badan Pusat Statistik Kota Prabumulih. 2019. pp. 1–27. 
  3. a b c d e "Sejarah Kota Prabumulih – Situs Resmi Pemerintah Kota Prabumulih" (dalam en-US). Diakses tanggal 2020-01-05. 
  4. "Geografis – Situs Resmi Pemerintah Kota Prabumulih" (dalam en-US). Diakses tanggal 2020-01-05.