Liam Gallagher

Ti Wikipédia, énsiklopédia bébas basa Sunda
Luncat ka: pituduh, sungsi
Liam Gallagher

Liam Gallagher anu boga ngaran lengkep William Johm Paul Gallagher nya éta musisi jeung penulis lagu asal Inggris[1][2]. Adi teges ti Noel Gallagher ieu lahir di Burnage, Manchester, Inggris tanggal 21 Séptémber 1972[1][2]. Liam nya éta salah sahiji personil Oasis anu jadi ujung tumbak éta grup msuik, Liam ogé kasohor ku cara nyanyina anu has[1]. Liam nya éta anak katilu ti pasangan Thomas jeung Peggy Gallagher[1]. Nalika umur 15 taun, Liam dikaluarkeun ti Sakola alatan gelut jeung babaturanna, malah mah Liam sok maok sapédah ti toko, tapi nalika rumaja, Liam mulai asup ka dunya musik[1].

Liam pertama kalina jadi personil nya éta nalika babaturan sakolana, Paul McGuigan ngajakan manéhna pikeun jadi vokalis di grupna, The Rain, tapi ieu grup musik teu pati loba nu mikaresep[1]. Terus Liam ngajakan Noel pikeun jadi gitaris di ieu grup, sabada Noel asup ieu grup musik ngaranna diganti jadi Oasis[1]. Oasis bubar di taun 2009 sabab Noel geus teu bisa gawé bareng deui jeung Liam lantaran égo Liam anu kalaleuwihi, sabada bubar, Liam ngabentuk grup musik anyar anu dingaranan Beady Eye[1]. Salian jadi musisi, Liam ogé ngabentuk rumah produksi nu dingaranan In 1 Production[1].

Référénsi[édit | sunting sumber]

  1. a b c d e f g h i [Liam Gallagher-kapanlagi.com] (diaksés tanggal 12 Nopémber 2011)
  2. a b (en)[Liam Gallagher-starpulse.com] (diaksés tanggal 12 Nopémber 2011)
Nulis.jpg