Martabak amis

Ti Wikipédia, énsiklopédia bébas
(dipindahkeun ti Martabak Amis)
Luncat ka: pituduh, sungsi
Martabak eusi coklat

Martabak amis (basa Inggris: 'Turnover Pancake')[1] atawa Ban Jian Kuih, Chin Loong Pau, Martabak Manis, Apam balik, Terang Bulan, Apam Pulau Pinang[1] or Kuih Haji (di sababaraha wewengkon) nya éta sarupaning kuéh kawali cépér. Martabak amis biasana dijual di kaki lima sapanjang jalan di Brunéi, Indonésia jeung Malaysia.[2] Di Malaysia, ieu kadaharan geus dianggap minangka dahareun warisan ku Departemén Warisan Nasional Malaysia.[3]

Ceuk vérsi katurunan mah ieu kuéh téh disebut Apom Balik ampir padeudeukeut jeun sorabi ti Indonésia.

Sajarah[édit | édit sumber]

Martabak Amis miboga sajarah nu panjang di Indonesia.[4] Numutkeun carita ieu kué mimiti aya dina ahir abad 19, di Sungailiat, Pulo Bangka.[4] Harita loba jelma Tionghoa anu bubuara di Pulo Bangka, jeung Belitung.[4] Dina kaayaan tingkat ékonomi nu minim, anjeunna nu geus teu kuat gawé di tambang timah mertahankeun hirupna ku rupa-rupa cara, salah sahijina dina widang usaha kadaharan.[4]

Salah sahiji pendatang Tionghoa éta tinekanan nyieun kuéh tina adonan tarigu jeung endog anu tuluy dibeuleum dina loyang beusi anu buleud.[4] Sanggeus mekar, kuéh tuluy dipurulukan wijén sangray jeung gula bodas.[4] Ahirna ieu kuéh disebut Hok lo pan, Hok lo hartina urang Tionghoa, ari pan hartina loyang anu paragi meuleum kuéhna.[4]

Resép[édit | édit sumber]

Bahan[édit | édit sumber]

Bahan pikeun kulitna[édit | édit sumber]

  1. Tarigu[5]
  2. Ragi instan[5]
  3. Gula bodas[5]
  4. Cipati haneut[5]
  5. Endog[5]
  6. Soda kuéh[5]

Bahan pikeun eusi (kumaha karesep)[édit | édit sumber]

  1. Suuk, sangray, pesék, bebek[5]
  2. Wijén, sangray[5]
  3. Gula bodas[5]
  4. Coklat[5]
  5. Kiju parud[5]
  6. Susu kentel amis[5]

Cara Nyieun[édit | édit sumber]

  1. Asupkeun ragi kana cipati haneut, tuluy aduk nepi ka ngahiji, tuluy cicingkeun.[5]
  2. Hijikeun tarigu jeung gula, tuluy asupkeun endog, aduk nepi ka ngahiji.[5] Asupkeun cai santen nu bieu di jieun, aduk nepi rata, tuluy cicingkeun salila 15-20 menit dina tempat nu haneut.[5]
  3. Siapkeun loyang, tuluy panaskeun sabari diolésan mantéga, tuluy asupkeun adonanna jeung purulukan gula nepi ka rata.[5]
  4. Mun geus asak, angkat kulit martabak kana talenan, tuluy purulukan ku bahan jang eusina (kumaha karesep).[5]
  5. Lipet jadi satengah buleudan, tuluy keureutan.[5]

Rujukan[édit | édit sumber]

  1. a b "Deliciously Unique Pancakes...". The Malaysia Pancake Co.. Diakses pada 18 Agustus 2013. 
  2. Malaysia, Singapore & Brunei. Lonely Planet. 2010. pp. 119–. ISBN 978-1-74104-887-2. Retrieved 18 August 2013. 
  3. "Intangible Heritage Objects".
  4. a b c d e f g Sajarah Martabak Amis (diaksés 27-11-2011)
  5. a b c d e f g h i j k l m n o p q r Bahan


Nulis.jpg