Munggahan

Munggahan nyaéta tradisi masarakat sunda pikeun ngabagéakeun bulan Ramadhan anu dilaksanakeun dina ahir bulan Sya’ban (hiji atawa dua poé saméméh bulan Ramadhan). Bentuk palaksanaanana rupa-rupa, umumna ngumpul jeung kulawarga jeung baraya, dahar babarengan (botram), silih hampura, jeung solat babarengan. Salian ti éta, aya ogé nu nganjang ka tempat wisata jeung kulawargana, ziarah ka makam kolot atawa jalma soleh, atawa ngalaksanakeun sedekah (sedekah dina poé saméméh bulan puasa).

Étimologi

Munggahan asalna tina basa Sunda unggah anu hartina naék, anu hartina naék kana bulan suci atawa luhur darajat. Tradisi munggahan miboga tujuan pikeun muji sukur ka Alloh, pikeun ngabersihkeun diri tina hal-hal anu goréng dina taun-taun saméméhna sarta ngajauhan kalakuan-kalakuan anu goréng nalika puasa di bulan Ramadhan.

Babandingan Munggahan sareng Papajar

Bédana Munggahan sareng Papajar

Aspék	Munggahan	Papajar
Wewengkon	Umum (Priangan)	Cianjur, Sukabumi, Bogor
Akar Kecap	Unggah (Naék Darajat)	Mapag Pajar (Mapag Caang)
Sipat Kagiatan	Kulawarga & Spiritual	Rekreasi & Sosial
Lokasi Utama	Bumi atanapi Masjid	Tempat Wisata / Alam

Ajén Filosofis

Dina budaya Sunda, Munggahan sarta Papajar téh mangrupikeun larapan tina ajén Silih Asah, Silih Asih, Silih Asuh. Ieu tradisi nguatkeun tali silaturahmi sarta solidaritas sosial sangkan masarakat asup ka bulan puasa dina kaayaan haté anu beresih (langgeng) sarta rukun sareng sasama.

Referensi

• Yusuf; Toet (2012). Indonesia Punya Cerita: Kebudayaan dan Kebiasaan Unik di Indonesia. Penebar Swadaya. ISBN 978-979-788-346-1.
• Rohmah, Siti (2014). Makna Ritual Munggahan Bulan Ramadhan (Studi Kasus Di Masyarakat Kampung Cipinang Rt. 03 Rw. 02 Desa Gandasari Kecamatan Katapang Kabupaten Bandung) (Diploma). UIN Sunan Gunung Djati Bandung. 

Pranala luar

• Memaknai tradisi munggahan
• Menyambut Ramadhan dengan Tradisi Munggahan Archived 2019-07-16 di Wayback Machine
• Mengagungkan Ramadhan Archived 2017-12-01 di Wayback Machine

Tingali ogé

• papajar
• jarah