Musieum Gedong Saté
Musieum Gedong Saté nyaéta musieum anu lokasina aya di Jalan Diponegoro Nomor 22, ngahiji jeung Gedong Saté. Sanajan kitu, posisi musieum aya di ujung jeung deukeut ka Musieum Pos.[1]
Sajarah
[édit | édit sumber]Musieum Gedong Saté mimiti dikawitan dina taun 2015 teras diresmikeun dina kaping 8 Désémber 2017. Ongkos ngawangun ieu musieum nyaéta 11,5 miliar. Musieum ieu pikeun masarakat Bandung hususna jeung masarakat sa Indonésia umumna.[2]
Musieum ieu diresmikeun ku Gubernur Jawa Barat Ahmad Heryawan. Musieum ieu janten simbol yén Jawa Barat miboga nilai-nilai sajarah anu luhur.[3]
Pangwangunan
[édit | édit sumber]Musieum ieu dirancang salila dua taun. Milarian informasi dilaksanakeun nepi ka Walanda jeung nganjang ka sababaraha musieum di nagara éta. Gedong Saté dijieun dina zaman Walanda, ku ku sabab éta kudu dilaksanakeun panalungtikan sajarah ka nagara asalna. Pangwangunan fisik musieum anu aya di lantai handap Gedong Saté ini peryogi waktos lima sasih, sarta kalengkepan barang-barang musieum réngsé nepi ka tilu satengah sasih.[4]
Konsép musieum
[édit | édit sumber]Musieum ieu miboga konsép “Smart Museum” anu hartina nyaéta nyadiakeun pangalaman anyar jeung informasi pikeun masarakat anu nganjang ka musieum ngagunakeun téhnologi digital. Aya loba téhnologi anu digunakeun pikeun nyayogikeun informasi dian wujud gambar/grafis anu menarik. Aya kaca panon tilu dimensi pikeun jalma-jalma anu nyanjang ka ieu musieum. Informasi ngeunaan Gedong Saté aya dina gambaran tilu diménsi éta. Salian ti éta, aya ogé téhnologi kanyataan maya saolah-olah jalma anu ka musieum ilubiung dina pangwangunan Gedong Saté.
Musieum ieu ngagabungkeun unsur tradisional mangrupa pangawéruh ngeunaan sajarah jeung unsur modern mangrupa pamakéan téhnologi dina nyayogikeun informasi grafis supados jalma anu nganjang ka ieu musieum teu ngarasa bosen.[2]
Aya sababaraha rupi fasilitas anu tiasa dirasakeun waktos nganjang ka musieum ieu, nyaéta[5]
- Wisata sajarah
Waktos ulin ka musieum, urang sadayana tiasa ningali sajarah ngeunaan Gedong Saté. Mimiti ti waktos pangwangunan nepi ka pamakéanana salaku pusat pamaréntahan dina zaman kiwari. Urang tiasa ningal sagala rupi benda anu patali jeung sajarah sapertos pakakas kantor, poto-poto, jeung sajabana.[5]
- Ningali arsitéktur art deco
aya loba hiasan relief jeung pahatan anu alus. Gaya art deco geus kasohor dina zaman Walanda.[5]
- Ulin di taman
Taman alus dina sabudeureun Gedong Saté husus pikeun jalma-jalma anu ulin ka ieu musieum.[5]
- Ningali koléksi
Aya loba barang-barang anu miboga nilai seni jeung artéfak sapertos koléksi seni rupa, keramik jeung parabotan imah ti zaman baheula. Salian ti éta, musieum ieu ogé biasana sok ngalaksanakeun kagiatan seni sapertos paméran.[5]
- Diajar budaya jeung tradisi
Aya loba papakéan adat jeung alat-alat musik tradisional ti Jawa Barat.[5]
Salian ti fasilitas nu tos disebat di luhur, aya sababaraha fasilitas ogé pikeun pangunjung anu mangpaatkeun téhnologi, nyaéta:[6]
- Rohangan augmented reality
Dina rohangan ieu, pangunjung tiasa ngarasakeun balik ka zaman di waktos gedong diwangun, saolah-olah pangunjung janten mandor.[1][6]
- Rohangan pikeun nonton film dokumenter
Aya film dokumenter anu tiasa ditongton ngeunaan sajarah gedong saté.[6][1]
- Balon udara
Pangunjung tiasa naék balon udara eras ningali musieum ti luhur.[6][1]
- Informasi grafis
Salian ti informasi mangrupa tulisan jeung gambar, aya ogé informasi anu disayogikeun liwat layar interaktif.[6]
Tempo ogé
[édit | édit sumber]Rujukan
[édit | édit sumber]- ↑ a b c d Administrator. "Museum Gedung Sate, Belajar Sejarah dengan Teknologi Tinggi - Ayo Bandung". Museum Gedung Sate, Belajar Sejarah dengan Teknologi Tinggi - Ayo Bandung (dalam Indonesian). Diakses tanggal 2023-12-02.
- ↑ a b admin. "Museum Gedung Sate, Riset hingga ke Belanda". Bandung Klik (dalam en-US). Diakses tanggal 2023-12-02. Archived 2023-11-26 di Wayback Machine
- ↑ "https://museum.kemdikbud.go.id/museum/profile/museum+gedung+sate". Diakses tanggal 26 November 2023.
- ↑ Eris, Muhamad. "Museum Gedung Sate". Diakses tanggal 26 November 2023.
- ↑ a b c d e f Hibrizi, Zhian. "Museum Gedung Sate: Menelusuri Sejarah dan Keindahan Arsitektur di Bandung". Diakses tanggal 26 November 2023.
- ↑ a b c d e Maulana, Irfan (ed.). "Museum Gedung Sate : Museum Era 4.0". Diakses tanggal 26 November 2023.