Optimus Prime

Ti Wikipédia Sunda, énsiklopédi bébas

Optimus Prime (nami Jepangna Convoy) mangrupa salah sahiji karakter robot fiksi tina serial animasi laris di dunya nyaéta The Transformers.

Transformers G1[édit | édit sumber]

Optimus Prime mangrupa pamingpin ti ras Autobots, nu mana Autobots mangrupa ras protagonis dina serial Transformers. Musuh utama Optimus nyaéta Megatron. modél parobahan Optimus nyaéta treuk trailer anu lengkep jeung bak kontainerna. Salian ti eta, Optimus ogé nyimpen benda sakral anu ngaranna The Matrix.

Optimus sempet dicaritakeun pupus dina awal filem Transformers: The Movie. Tapi ku sabab loba fans anu resep ka Optimus Prime, di ahir usum katilu, Optimus dihirupkeun deui ku bantuan Sky Lynx sareng Quintessons.

Dina Transformers: The Headmasters, Optimus ngorbankeun dirina pikeun nyetabilkeun Vector Sigma. Disisi lain, Hot Rod hasil meunang Matrix anu dipigaduh kapungkurna ku Alpha Trion, ahirna Hot Rod robah jadi Rodimus Prime, tur anjeunna ahirna janten pamingpin Autobots ngagentos Optimus Prime.

Pangeusi sora Optimus Prime dina serial Transformers G1 nyaéta aktor Kanada, Peter Cullen.

Unicron Trilogy[édit | édit sumber]

Dina serial versi 2000 ieu, Optimus Prime mucunghul deui janten pamingpin Autobots. Dina Transformers: Armada, Optimus tiasa ngagabung janten hiji sareng Jetfire. Sedengkeun dina Transformers: Energon, Optimus tiasa ngagabung janten hiji sareng Omega Supreme.

Transformers 2007[édit | édit sumber]

Dina filem Transformers 2007 karya sutradara Michael Bay, Optimus mucunghul minangka pamingpin Autobots. Warna awakna rada benten jeung anu aya di G1, sabab dina versi filem, warnana janten biru. Sedengkeun dina versi G1 warna awakna beureum.

Pangeusi sora Optimus Prime dina filem Transformers masih sami jeung anu di versi G1, nyaéta masih kénéh ku aktor Peter Cullen.

Di filem, Optimus janten pahlawan sakaligus nu nangtayungan keur para Autobots sareng wargi manusa di Bumi tina serangan Decepticons anu bade ngarebut Allspark. Ku lantaran Allspark-na ancur, akhirna Optimus Prime sasarengan jeung Bumblebee, Ironhide, jeung Ratchet ahirna mutuskeun piken netep di Bumi.

Transformers: Animated[édit | édit sumber]

Optimus mucunghul deui dina serial Transformers: Animated. Dina mangsa ieu mah manéhna leuwih ngora ti batan nu aya di versi filem atawa dina versi G1. modél parobahana nyaéta minangka treuk paragi mareuman nu kahuruan.

Pangeusi sorana adalah aktor David Kaye.

Tumbu kaluar[édit | édit sumber]