Orbit Géosinkron

Ti Wikipédia, énsiklopédia bébas basa Sunda
Luncat ka: pituduh, sungsi

Orbit Géosinkron nyaéta orbit hiji objék (ilaharna satelit jieunan) kalawan bumi minangka puseurna, anu miboga perioda nu sarua jeung perioda rotasi bumi nyaéta sapoé sideris atawa 23,9344 jam.

Satelit nu boga orbit géosinkron baris aya di luhureun hiji titik di muka bumi dina jam nu tangtu. Sajaba ti waktu kasebut, satelit baris kaciri ngageser ti titik éta. Lamun satelit géosinkron miboga wangun orbit bunder nu sampurna sarta ngorbit dina widang jeung garis hatulistiwa mangka lamun ditempo ti bumi, satelit éta baris kaciri cicing; orbit anu kitu disebut orbit Orbit Géosetasionér.

Dina taun 1974 satelit cuaca SMS 1 (Synchronous Meteorological Satellite) dileupaskeun ka angkasa salaku satelit géosinkron anu boga fungsi ngirimkeun gambar ka sawatara setasiun televisi. Sanggeus ngaliwatan sawatara percobaan, satelit kasebut dina taun 1975 dirobah orbitna jadi orbit géosetasionér.

Rujukan[édit | sunting sumber]

  • Montenbruck, O., Gill, E. Satellite Orbits, Heidelberg, Springer Verlag, 2000.
  • Zee, Chong-hung. Theory of Geostationary Satellites, New York, Kluwer Academic Publisher, 1989.

Tumbu kaluar[édit | sunting sumber]