Satelit

Satelit nyaéta objék (barang) anu ngurilingan (ngorbit) objék (barang) séjén dina période puteran sarta rotasi tinangtu. Aya dua rupa satelit nyaéta satelit alam jeung satelit jieunan. Sésa artikel ieu baris medar satelit jieunan.

Wanda satelit

Satelit astronomi nyaéta satelit anu dipaké pikeun nitétan planét, galaksi, jeung objék angkasa séjénna anu jauh.

Satelit Telekomunikasi nyaéta satelit jieunan anu dipasang di angkasa kalayan tujuan pikeun ngalangsungkeun telekomunikasi ku cara ngagunakeun radio dina frékuensi gelombang mikro. Lolobana satelit télékomunikasi ngagunakeun orbit geosinkron atawa orbit geostasioner, sanajan sababaraha wanda satelit panganyarna ngagunakeun orbit Bumi handap.

Satelit Panitén Bumi nyaéta satelit anu dirarancang husus pikeun nitétan Bumi ti orbit, kawas satelit reconnaissance tapi dimaksudkeun pikeun pamakéan non-militer kawas paniténan lingkungan, météorologi, pembuatan péta, jeung sajabana.

Satelit navigasi nyaéta satelit anu ngagunakeun sinyal radio anu dikirimkeun ka panarima di muka bumi pikeun nangtukeun patempatan (poisi) hiji titik di muka bumi. Salah sahiji satelit navigasi anu pohara populér nyaéta GPS milik Amérika Sarikat sajaba ti éta aya ogé Glonass milik Rusia. Lamun garis nu ngahubungkeun satelit jeung panarima di muka bumi teu ngarandapan gangguan mangka, ku cara maké hiji pakakas, panarima sinyal satelit (panarima GPS), bisa meunangkeun data posisi di hiji tempat kalawan katalitian din ukuran sababaraha méter dina waktu harita kénéh (réal time).

Satelit Mata-mata nyaéta satelit panitén Bumi atawa satelit telekomunikasi anu dipaké pikeun tujuan militér atawa mata-mata.

Setasiun Angkasa nyaéta struktur jieunan manusa anu dirarancang sabagé tempat dumuk manusa di angkasa. Setasiun angkasa dibédakeun ti pasawat angkasa séjénna ku euweuhna propulsi pasawat angkasa utama atawa fasilitas pikeun badarat; sarta tutumpakan séjén dipaké sabagé alat transportasi ti setasiun jeung ka setasiun. Setasiun angkasa dirarancang pikeun hirup jangka-menengah di orbit, pikeun période waktu mingguan, bulanan, atawa malah taunan.

Satelit Cuaca nyaéta satelit anu diguanakan pikeun nitetan cuaca sarta iklim Bumi.

Satelit Miniatur nyaéta satelit anu hampang sarta leutik. Klasifikasi kakara dijieun pikeun ngagolongkeun satelit-satelit ieu: satelit mini (500–200 kg), satelit mikro (di handapeun 200 kg), satelit nano (di handapeun 10 kg).

Wanda orbit

Satelit dikategorikan dumasar luhur jeung handapna orbit, sanajan hiji satelit bisa ngorbit dina luhur nu béda-béda.

• Orbit Bumi Handap (Low éarth Orbit, Léo): 300 – 1500 km di luhur muka bumi.
• Orbit Bumi Seden (Medium éarth Orbit, Méo): 1500 – 36000 km.
• Orbit Geosinkron (Géosynchronous Orbit, GSO): kira-kira 36000 km di luhur muka Bumi.
• Orbit Géosteasionér (Géostationary Orbit, Géo): 35790 km di luhur muka Bumi.
• Orbit Bumi Luhur (High éarth Orbit, Héo): di luhur 36000 km.

Ngaran orbit di handap ieu nyaéta ngaran orbit husus anu ogé dipaké pikeun ngagolongkeun satelit:

• Orbit Molniya, orbit satelit dina périoda orbit 12 jam sarta kamiringan (inklinasi) kira-kira 63°.
• Orbit Sunsynchronous, orbit satelit dina kamiringan (inklinasi) sarta luhur nu tangtu anu sok ngaliwatan hatulistiwa dina saban waktu lokal nu sarua.
• Orbit Polar, orbit satelit anu ngaliwatan kutub bumi.

Tempo ogé

thumbnail|right|Hiji satelit dina musieum

• Sajarah satelit jieunan sarta alat angkasa
• Satelit (dumasar tanggal dileupaskeun)
  • Syncom 1 (1963 ), 2 (1963) sarta 3 (1964)
  • Anik 1 (1972)
  • Aryabhata (1975) (India, dileupaskeun ka angkasa kuUSSR)
  • Hermes Communications Technology Satellite (1976)
  • Munin (2000) (Swedish, dileupaskeun ka angkasa ku AS)
• Layanan satelit
  • Telepon satelit
  • Internet satelit
  • Televisi satelit
  • Radio satelit
• Pakarang anti-satelit

Rujukan

• 1 -- The Radiation Belt and Magnetosphere

Tumbu kaluar

• Asosiasi Satelit Indonésia
• Gunter's Space Page - Lists of nearly all satellites
• Lloyd's satellite constellations Archived 2007-07-10 di Wayback Machine
• Welcome to Heavens-above! has everything, customized séarchable catalogue
• J-pass Archived 2006-04-11 di Wayback Machine NASA site for satellite-watching
• J-track 3D Archived 2005-05-04 di Wayback Machine NASA site displaying a globe with orbiting satellites.
• Satellite Tracking in Recreation Radio Amateur an excellent link to many links
• UN Office for Outer Space Affairs ensures all countries benefit from satellites
• Satellite Radio Archived 2019-09-29 di Wayback Machine
• Satellite Internet
• Visual Satellite Observer's Home Page
• Space-track Archived 2010-09-05 di Wayback Machine The U.S. Department of Defense (Dod)'s Space-track.org website. Provides a 60 Day Decay Prediction of expected re-entries of objects in unclassified orbits. For objects néar decay, the site provides Trajectory Impact Prediction (TIP) messages, which estimate the time and location of decay.
• Norad TLE Obtain TLE for various satellites tracked by NORAD.
• Satellite Provider Archived 2006-10-08 di Wayback Machine
• Earth Orbit Objects Archived 2009-02-15 di Wayback Machine Free Satellite Tracking and Pass Prediction Program. Download TLE sets directly from Space-track.org.
• Terra Link