pH

pH atawa darajat kaasaman digunakeun keur nyatakeun tingkat kaasaman (atawa kabasaan hiji leyuran. Nu dimaksud "kaasaman" nyaéta konsentrasi ion hidrogén (H⁺) dina pangleyur cai.

Ajen pH antara 0 nepi ka 14. Hiji leyuran disebut netral lamun boga ajén pH=7. Ajén pH>7 nunjukkeun yén leyuran boga sipat basa, sedengkeun ajén pH<7 nunjukkeun sipat asam.

Ngaran pH asalna tina potential of hydrogen. Sacara matematis, pH didefinisikeun minangka

${\mbox{pH}}=-\log _{10}[H^{+}]$

Ajen pH 7 disebut netral sabab dina cai murni ion H⁺ kaleyur jeung ion OH^- kaleur (minangka tanda kabasaan) aya dina jumlah nu sarua, nyaéta 10⁻⁷ dina kasaimbangan

$H_{2}O\rightleftharpoons H^{+}+OH^{-}$

Panambahan sanyawa ion H⁺ kaleyur tna hiji asam bakal ngadesek kasaimbangan ka kénca (ion OH^- bakal dibeungkeut ku H⁺ ngawangun cai). Akibatna kajdian kaleuwihan ion hidrogen sarta ningkatkeun konsentrasina.

Umumna indikator basajan nu dipaké nyaéta kertas lakmus nu bakal robah jadi beureum lamun asam sarta biru lamun basa (asamna handap). Ngan, yén kertas litmus ieu mangrupikeun alat anu ngaindikasikeun kaasaman nu rendah pisan, ngan saukur nunjukeun naha cai ieu asam (pH < 7) atawa basa (pH > 8). Alat pikeun ngukur pH nu langkung canggih disebut pH méter. pH méter mangrupa alat pikeun ngukur pH cai (pH méter cai) atawa taneuh (pH meter tanah). Spesifikasi pH méter rupa-rupa, sareng aplikasi na ogé rupa-rupa. Salaku conto pH meter kolam anu dianggo ku balong lauk propésional pikeun ngukur pH kolam ikan.

Lian ti kertas lakmus, indikator asam basa bisa diukur maké pH méter nu dumasar kana prinsip éléktrolit / konduktivitas hiji leyuran.

Fungsi pH Meter loba pisan, diantarana:

1. Hidroponik
2. Balong lauk
3. Cai nginum
4. Cai bersih
5. Cai limbah
6. Aquarium
7. Cai sagara

Tempo ogé

• Téori réaksi asam-basa
• Asam
• Basa
• Alkali
• pH taneuh
• Titrasi

Rujukan

• D. K. Nordstrom, C. N. Alpers, C. J. Ptacek, D. W. Blowes (2000). Negative pH and Extremely Acidic Mine Waters from Iron Mountain, California. Environmental Science & Technology 34 (2), 254-258. (Available online: DOI | Abstrak | Teks penuh (HTML) | Teks penuh (PDF))