Paciwit-ciwit Lutung
Paciwit-ciwit lutung nyaéta kaulinan barudak sunda anu dilakukeun ku awéwé atawa lalaki, tilu urang atawa opat urang, bisa ogé leuwih pikeun barudak nu geus gedé mah.[1] Carana siliciwit tonggong dampal leungeun, nyusun ka luhur bari ngawih paciwit-ciwit lutung nurutkeun wirahmana terus ngaluhuran nepi ka teu nepi awakna ka luhur jéjéngkéan bari seuseurian barudak ngawihkeunana suka bungah jeung babaturanana.[1] Biasana kawih ieu dilakukeun mun barudak keur ngariung babarengan sosonoan jeung babaturan nu kakara panggih, atawa jeung babaturan nu geus lila teu panggih, bisa disebut ogé jargon salam pertemuan atawa biasa dipaké ku barudak leutik mun keur arulin di tepas imah bari dariuk atawa narangtung nu penting mah posisi awakna genaheun tur teu ngabahayakeun budak, ngawihna suka bungah bari seuseurian sakapeung mah sok dilakukeun ku barudak SD mun keur ngeusi waktu nu kosong di sakolana atawa waktu istirahat, jeung sakapeung mah budak umuran TK ogé osok ngawih jeung maénkeun ieu paciwit-ciwit lutung.[1][2]
Filosofi
[édit | édit sumber]Ti sababaraha kaulinan barudak, kaulinan paciwit-ciwit lutung téh salah sahiji kaulinan anu paling menarik keur ditalungtik. Kaulinan ieu bener-bener aya pakuat-kaitna jeung kumaha carana sangkan barudak bisa ngendalikeun rasa jeung tenggang rasa ka babaturanna. Filosofi tina kaulinan ieu téh nyaéta unggal jalma bakal hirup dina kaayaan suka jeung duka, dina hiji mangsa aya masana uang di luhur (pangimpin) aya ogé mangsana urang di handap (rahayat). dina hiji mangsa urang pasti bakal ngalaman nu ngarana bagja jeung sedih. Dina kabagjaan jeung kasedihan éta urang teu meunang leupas ti katerkaitan batin jeung sasama manusa.Paciwit-ciwit lutung ogé ngajarkeun ka barudak leutik keur hirup babarengan boh dina kayaan bagja atawa sedih, ulah hirup sosoranganan kudu hirup babarengan.[3]
Rumpaka
[édit | édit sumber]Paciwit-ciwit lutung
Si lutung pindah ka luhur.[1]
Kawih lianna :
|
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Referensi
[édit | édit sumber]- ↑ a b c d e Hidayat, Rachmat Taufiq, spk.2005.Peperenian Urang Sunda.Bandung:Kiblat
- ↑ Suwondo, Dodo (2018). Pangajaran Basa Jeung Sastra Sunda: Panuyun Sangkan Bisa Ngajarkeun Basa Suwondo. Jakarta: Penerbit Yayasan Miftahul Huda al-Musri (MHM). p. 79. ISBN 9786025069314. Disungsi20 Mei 2024
- ↑ "Paciwit-ciwit Lutung-Dinas Pariwisata dan Kebudayaan Provinsi Jawa Barat". www.disparbud.jabarprov.go.id. Diakses tanggal 2019-11-23. Archived 2011-10-29 di Wayback Machine
- ↑ Kawih kaulinan barudak Archived 2015-11-22 di Wayback Machine(diakses tanggal 03 Mei 2011)