Batu Karas
Batu Karas mangrupa salah sahiji pantai anu aya di Ciamis, salaku salah sahiji tempat anu jadi tempat panghadéna pikeun para peselancar[1]. Batu Karas mangrupa campuran ti Pantai Batu Hiu jeung Pantai Pangandaran[1]. Pantai ieu cocog dipaké pikeun ngojayjeung selancar, ku sabab caina tenang jeung gelombangna éébisa disebutkeun nagtang para peselancar[1].
Sababaraha urang nyebut yén Batu Karas téh Bali Leutik, ku sabab nawarkeun pangalaman anu sarua tapi saeutik tantanganana[1]. Batu Karas kurang leuwih 40 km ti pangandaran, pantai anu keusikna hideung ieu mangrupa tempat liburan anu ngeunaheun pisan ku sabab suasanana anu tiiseun lamun dibandingkeun jeung pangandaran[1].Pantai Batu Karas geus dipikawanoh ku para peselancar nasional jeung internasional, lian ti pantaina rélatif datar ogé miboga teluk leutik nepi ka para peselancar teu kudu ngadayunng jauh teuing ka titik mimiti gelombang[1].
Umumna, aya tilu tempat selancar anu biasa dipikawanoh ku para peselancar nyaéta Karang, Legok Pari jeung Bulak Bendak[1]. Karang, sacara harfiah hartina batu jigana asalna tina loba batu anu aya di ieu pantai, kasempetan pikeun selancar ngan saukur bisa dilakonan nalika cai laut keur pasang[1].
Legok Pari nyaéta tempat selancar anu pangdipikaresepna jeung alus keur anu mimiti diajar ku sabab aman jeung ombakna teu pati jarangkung[1].Jang peselancar anu geus moyan ogé profésional, Bulak Bendak mangrupa tempat anu dipilih ku sabab gelombangna bisa nyieun témbok anu panjang jeung luhur[1].
Di Batu Karas teu ngan sasukur bisa selancar hungkul tapi ogé bisa dipaké jet ski, banana boat jeung numpak karéta kuda di basisir pantai[1]. Lian ti éta ogé pikeun anu resep petualang di Batu Karas ogé aya tempat pikeun kémah jeung hiking[1]. Di Batu Karas mangrupa tempat liburan anu bisa disebut kawilang lengkep ku sabab geus loba tempat atawa fasilitas pendukung séjénna kkayaning hotél atawa penginapan anu hargana gé rupa-rupa ti mimiti 250.000 nepi ka 700.000.Lian ti éta di ieu pantai gé bisa dipaké snorkling[2]
Referensi
[édit | édit sumber]- ↑ a b c d e f g h i j k l Batu Karas, Ombak 'Menari' di Atas Selancar Archived 2011-11-30 di Wayback Machine(diakses 1 Desember 2011)
- ↑ PANDUAN LENGKAP BERLIBUR DI BATU KARAS, JAWA BARAT Archived 2011-06-13 di Wayback Machine(diakses 1 Desember 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |