Parasetamol

Ti Wikipédia Sunda, énsiklopédi bébas
Loncat ke navigasi Loncat ke pencarian


Struktur kimia parasetamol.

Asetaminofen (parasetamol)
N-acetyl-para-aminophenol
Beurat molekul 151.16
Rumus empiris C8H9NO2
(Metabolisme) Ati (Hepar)
Golongan nu ngandung (farmasi) B (AS)
A (Aus)

Parasetamol (atawa Parasétamol) nyaéta golongan ubar analgesik non opioid nu dijual kalayan bébas. Indikasi Parasétamol nyaéta pikeun nyeri sirah, nyeri otot kakapeungan, nyeri rék haid, ogé pikeun nu muriang. ubar ieu jadi pilihan analgesik nu relatip aman mun diinum sangkan bener luyu jeung pituduh pamakéan.[1]

Pajéntréan[édit | édit sumber]

  • Ngaran Generik : Parasétamol[2]
  • Pasipatan Fisikokimia : Warna bodas, bubuk karistal, rada pait[2]
  • Sub Kelas Térapi : Analgesik Non Narkotik[2]
  • Kelas Térapi : Analgesik, Antipiretik, Antiinflamasi Non steroid, Antipirai[2]
  • Farmakologi : mibanda aktipitas minangka analgetik jeung antipiretik[2]
  • Ajegan Paneundeunan : Sadiaan kudu diteundeun dina hawa 15-30̊ C. Sadiaan mangrupa larutan atawa suspensi ulah dibekukeun[2]
  • Kontra Indikasi : Hipersensitivitas[2]
  • Épék Lian : Épék Lian dina dosis térapi jarang; iwal ruam kulit, kalainan getih, pankréatitis parah kungsi dilaporkeun saenggeus pamakéan jangka lila[2]
  • Interaksi ubar : Alkohol, antikonvulsan, isoniazid : Nganingkatkeun résiko hepatotoksis, ;Antikoagulan oral : Bisa ningkatkeun épék warfarin, ;Fenotiazin : Bisa ogé kajadian hipotermia parah[2]
  • Pengaruh Anak : Obrolkeun jeung dokter dina pamakéan ubar> 5 poé[2]
  • Pangaruh Hasil Lab : Nyebabkeun hasil positip palsu dina tés urin asam 5-hidroksiindoléasetik. Bisa ngaganggu pangukuran glukosa getih[2]
  • Pangaruh Kanu Ngandung : Katégori B :;Aman lamun dipaké dina dosis térapi salami ngandung[2]
  • Pangaruh Kanu Nyusuan : Diekskresikeun kana ci susu indung dina konséntrasi handap[2]
  • Paraméter Pamarhatian : Pungsi ati[2]
  • Bentuk Sadiaan : Tablét, Sirop/Suspensi jeung Sadiaan Réktal[2]
  • Pangati-ati : Ati-ati pikeun pasén anu geus ngurangan pungsi ati & ginjal, jeung kacanduan kana alkohol ;Toksisitas parasétamol bisa disababkeun tina pamakéan dosis tunggal nu toksik, tina pamakéan katerusan dosis nu badag, atawa pamakéan ubar nu kronis[2]
  • Warta Pasén : Mun nyeri atawa muriang leuwih ti 3 poé, tepungan dokter[2]
  • Mékanisme Lakon : Gagawé langsung kana pusat pangaturan panas di hipotalamus jeung ngahambat sintésa prostaglandin dina sistim sarap pusat[2]

Dosis[édit | édit sumber]

Parasétamol heugbaé diinum namung ulah leuwih ti 5 poé pikeun budak leutik, ogé 10 poé pikeun kolot kalayan dosis saperti dihandap ieu:[1]

Yuswa Dosis Parasétamol
3 sasih – 1 taun 60 – 120 mg
1 – 5 taun 120 – 250 mg
6 – 12 taun 250 – 500 mg
Kolot 500 mg – 1 g

Dosis ieu bisa diinum deui tiap 4 – 6 jam mun diperlukeun (mindengna saloba 4 dosis dina 24 jam) [1]

Perlu diingetkeun yén pamakéan Parasétamol nyaéta diantawisna pikeun miceun rasa kanyeri, sedengkeun kanyeri éta sorangan nyaéta akibat tina hiji penyakit, hartina ubar ieu ngan saukur ngaleungitkeun kanyerina hungkul, henteu ngubaran panyakitna mah. ku sabab Parasétamol mangrupa ubar nu bébas dipaké sacara laluasa ku warga masyarakat, ku kituna ayana kasalahan dina pamakéan téh bisa jadi aya nu nikakeun karacunan ku Parasétamol nu dosisna cukup gedé, sahingga dirasa pentingna pikeun ngabéwarakeun warta ngeunaan cara pikeun nyanghareupan karacunan Parasétamol minangka atikan pikeun nyegah karacunan ubar Parasétamol téa.[1]

Farmakokinetik[édit | édit sumber]

Parasétamol nu diinumkeun diserep sangkan gancang jeung nepika kana puncak dina mangsa 30 – 120 menit. Ku ayana kadaharan dina padaharan bakal ngahambat nyerepna sadiaan Parasétamol jadi laun. Parasétamol kasebarkeun kalayan gampang dina sakabéh jaringan awak. Kurang leuwih 25% Parasétamol dina getih patali kana protein plasma.[1]

Rujukan[édit | édit sumber]

  1. a b c d e BPOM RI. Sentra Infomasi Keracunan Nasional: Mengatasi Keracunan Parasetamol. BPOM Republik Indonesia. ik.pom.go.id: 2013
  2. a b c d e f g h i j k l m n o p q r InformasiObat.com. Informasi Obat : Parasetamol. http://www.informasiobat.com/parasetamol, 05 Nopémber 2014