Lompat ke isi

Pirantel

Ti Wikipédia Sunda, énsiklopédi bébas
Artikel ieu keur dikeureuyeuh, punten tong waka diédit atawa dirobah eusina.
Artikel ieu masihan informasi dasar dina bidang kesehatan. Informasi dina artikel ieu ngan meunang digunakeun kanggo informasi ilmiah, teu bisa ngaganti diagnosis medis.
Perhatosan: Wikipédia lain dokter, sagala informasi anu aya dina ieu énsiklopédi dumasar rujukan anu aya.
Saupama anjeun aya keluhan, konsultasikeun jeung tenaga kaséhatan langsung
Pirantel
Data klinis
Nama dagangPin-X, Combantrin, others
Kategori
kehamilan
  • US: C (Bisa jadi boga résiko)
Jalur
pemberian		by mouth
Kode ATC
Identifiers
Nomor CAS
PubChem CID
ChemSpider
UNII
KEGG
ChEBI
ChEMBL
ECHA InfoCard100.036.143 Edit this at Wikidata
Chemical and physical data
RumusC11H14N2S
Massa molar206.31 g/mol
3D model (JSmol)
Titik lebur178 to 179 °C (352 to 354 °F)

Pirantel atawa nu miboga ngaran dagang Combantrin nyaéta agen antihelmintik atawa anti-cacing, dipaké pikeun pangobatan oral sababaraha inféksi nu disababkeun ku cacing parasit kaasup ascariasis, infeksi cacing tambang, inféksi cacing kremi (enterobiasis) , trichostrongyliasis, jeung trichinellosis .[1][2][3] Bentuk ubar ieu biasana mangrupa sadiaan oral, nyaéta tablet jeung sirup.[4] Pirantel munggaran dideskripsikeun dina taun 1965 ku para panalungtik ti Pfizer nu néangan siklis amidien kalayan sifat farmakokinetik nu saluyu (hususna durasi waksina) pikeun dipaké salaku ubar antihelmintik.[2][5]

Cara gawé

[édit | édit sumber]

Pirantel gawé kucara ngaleupaskeun asetilkolin, ngahambat kolinesterase, jeung ngarangsang neuron ganglionik, pirantel miboga fungsi salaku agen nu ngahambat neuromuskuler depolarisasi dina cacing. Hal ieu nyababkeun depolarisasi tina membran otot cacing matak nyababkeun kategangan dina otot cacing, nu tuluy ngakibatkeun kalumpuhan jeung sarta ngaleupaskeun iketanna dina dinding usus organisme inang. Tindakan ieu teu saperti piperazine, nu mangrupa agen panghambat neuromoskuler hiperpolarisasi nyababkeun relaksasi otot-otot cacing, nu ngakibatkeun paleupasan satuluyna tina dinding usus, éksrési parasit tina tinja lumangsung ku cara peristaltik normal.[2]

Métabolisme

[édit | édit sumber]

Pirantel dikonsumsi sacara oral. Kalarutan garam pamoate nu goréng nawarkeun kauntungan pikuen nguranganna panyerepan tina saluran pencernaan, jeung ngamungkinkeun ieu ubar pikeun réaksi di usus gedé. Metabolisme pirantel kagolong gancang, ubar nu diserep sabagéan dimetabolisme hati atawa liver.[2]

Cara maké

[édit | édit sumber]

Cara maké ubar ieu kudu saluyu jeung anjuran dokter atawa apotéker. Pikeun nginum ubar ieu anjeun bisa dipaké maké kadaharan séjénna atawa henteu, bisa ogé diinum maké cai susu atawa jus. Kocok heula suspensi kalayan bener saacan ngukkur dosis, paké séndok ukur, gelas ukur, atawa pipét salaku média pikeun ngukur dosis nu bener. Puasa, obat pencahar, jeung sajenisnya teu bisa moal bisa ningkatkeun gawé ubar pirantel sarta teu nyageurkeun inféksi ieu.[1] Mun anjeun cicing babarengan jeung kulawarga séjén, sakabéh kulawarga kudu dibéré ubar prantel, kusabab cacing kremi bisa gancang jeung babari sumebar ka saha waé nu penrah kontak jeung pasén. Jamban kudu didésinféktan unggal poé, sarta baju, sepré, anduk, baju saré kudu diganti jeung diseuseuh unggal poé.[6][7]

Ngaran lian

[édit | édit sumber]

Ngaran lian

[édit | édit sumber]

Ieu di handap ngaran lian tina pirantel:[2]

  • Pirantel
  • Pyrantel
  • Pyrantelum

Ngaran dagang

[édit | édit sumber]

Ieu di handap ngaran lian tina pirantel:[3]

  • Combantrin,
  • Piraska 125,
  • Pyrantel Indo Farma
  • Upixon

Hal nu kudu diperhatikeun

[édit | édit sumber]

Saacan nginum ubar ieu, perhatikeun heula ngeunaan kaayan kaséhatan anjeun, kayaning:[1][5][6]

  • Pirantel teu meunang dipaké ku jalma nu miboga panyakit hati atawa nu miboga alérgi ka ieu ubar.
  • Ulah nginum ubar ieu mun saacan konsultasi ka dokter lamun kaayaan anjeun keur hamil
  • Ulah nginum ubar ieu mun saacan konsultasi ka dokter lamun kaayaan anjeun keur nyusuan
  • Budak leutik handapeun 2 taun alusna mah teu maké ubar ieu, kacuali mun dititah ku dokter.
  • Ubar ieu numutkeun US Food and Drugs Administration (FDA) kaasup kana résiko kahamilan kategori C résiko pikeun ibu hamil jeung nyusuan, nu hartina ubar ieu aya kamunkinan miboga résiko mun dipaké ku ibu hamil atawa nu keur nyusuan.

Interaksi ubar Pirantel

[édit | édit sumber]

Ubar nu interaksi jeung pirantel

[édit | édit sumber]

Ulah nginum ubar anti-cacing séjén dina waktu nu sarua neung ngonsumsi ppirantel kacuali mun dianjurkeun ku dokter. Ubar séjén nu dipaké pikeun ngubaran inféksi nu disababkeun kku cacing bisa nyababkeun nurunna éféktivitas pirantel. Theophylline (Theo-Dur, Theolair, Theochron, Theo-Bid, Elixophylline,) bisa jadi ngabogaa éfék samping nu bahaya mun dipakésalila pangobatan jeung pirantel, Dokter ogé bisa mingkin bisa ngamonitor kadar teofilin anjeun.[6] Salian ti éta, ngonsumsi pirantel jeung sodium iodide i-123 ogé bahaya [8] jeung sodium iodide i-131.[9]

Kondisi kaséhatan

[édit | édit sumber]

Ayana panyakit séjén bisa mangaruhan pamakéan ubar ieu. Panyakit kayaning panyakit liver.[10] kurang gizi, anémia. Konsultasikeun heula ka dokter mun miboga riwayat panyakit séjén.[5]

Kadaharan jeung alkohol

[édit | édit sumber]

Sababaraha jenis ubar teu bisa dipaké wanci ngadahar kadaharan nu tangtu kusabab bisa nyababkeun ayana iinteraksi ubar, sarta nginum alkohol atawa bako ogé bisa nyababkeun inteaksi lianna.[6]

Éfék samping

[édit | édit sumber]

Éfék samping mangrupa hiji éfék nu teu dipiharep tina ubar. Éfék samping ieu bisa mangrupa-rupa di sababaraha jalma gumantung kana kaayaan panyakit, umur, beurat awak, jinis kelamin, étnis, jeung sababaraha kaayaan kaséhatan lianna. Ieu di handap sababaraha éfék samping nu bisa karasa sanggeus nginum pirantel:[6][7][11]

Éfék samping nu kurang ilahar

[édit | édit sumber]

Éfék samping nu parna

[édit | édit sumber]
  • Ruam kulit.
  • Bareuh utamana dina beungeut, létah sarta tikoro
  • Hésé rénghap
  • Lieur nu leuwih parna

Tutumbu kaluar

[édit | édit sumber]

Rujukan

[édit | édit sumber]
  1. ↑ a b c "Pyrantel Uses, Side Effects & Warnings". Drugs.com. Diakses tanggal 2020-06-10. 
  2. ↑ a b c d e "Pyrantel". www.drugbank.ca. Diakses tanggal 2020-06-10. 
  3. ↑ a b "PIRANTEL PAMOAT | PIO Nas". pionas.pom.go.id. Diakses tanggal 2020-06-11.  Archived 2020-06-24 di Wayback Machine
  4. ↑ "Cara Minum Obat Cacing yang Benar". Alodokter. Diakses tanggal 2020-06-11. 
  5. ↑ a b c "PYRANTEL - ORAL side effects, medical uses, and drug interactions.". MedicineNet. Diakses tanggal 2020-06-11. 
  6. ↑ a b c d e "Pyrantel : Fungsi, Dosis, Efek Samping, Cara Pakai". Hello Sehat (dalam id-ID). Diakses tanggal 2020-06-11. 
  7. ↑ a b "Drugs & Medications". www.webmd.com. Diakses tanggal 2020-06-11. 
  8. ↑ "Pyrantel and sodium iodide i-123 Drug Interactions". Drugs.com. Diakses tanggal 2020-06-11. 
  9. ↑ "Pyrantel and sodium iodide-i-131 Drug Interactions". Drugs.com. Diakses tanggal 2020-06-11. 
  10. ↑ "Pyrantel Disease Interactions". Drugs.com. Diakses tanggal 2020-06-11. 
  11. ↑ "Pyrantel Side Effects: Common, Severe, Long Term". Drugs.com. Diakses tanggal 2020-06-11. 
Dicomot ti "https://su.wikipedia.org/w/index.php?title=Pirantel&oldid=652762"