Pita Frékuénsi Ka
Pita frékuénsi Ka (basa Inggris: Ka Band atawa Kurtz-above band) nyaéta pita gelombang mikro dina spéktrum éléktromagnétik nu wilayahna antara 18GHZ nepi ka 40GHZ. Pita frékuénsi Ka uplink mibanda wilayah frékuénsi antara 27.5 GHZ nepi ka 31GHZ sarta pita frékuénsi Ka downlink mibanda wilayah frékuénsi antara 18,3 GHz -18,8 GHz sarta 19,7 GHz – 20,2 GHz. Standar frékuénsi ieu dikaluarkeun ku Institute of Electrical and Electronics Engineers (IEEE).
Kauntungan
[édit | édit sumber]Pita frékuénsi Ka mibanda sawatara kauntungan di antara:
- Sadiana rubak pita frékuénsi anu cukup lega, wilayahna 27,5 GHz - 31 GHz.
- Henteu merlukeun anteneu nu ukuranna gedé. Diaméter anteneu dina sisi pamaké ahir, nu panjangna antara 60 cm nepi ka70 cm ngajadikeun béaya nu dikaluarkeun ku pamaké leuwih saeutik.
- Sanggup nurunkeun sacara drastis latency/keterlambatan data anu ilahar lumangsung sabot data dikirimkeun ka satelit sarta dipancarkeun deui ka bumi.
Kakurang
[édit | édit sumber]- Satelit anu ngagunakeun pita frékuénsi Ka merlukeun tanaga leuwih loba pikeun mancarkeun sinyal lamun dibandingkeun jeung satelit anu ngagunakeun pita frékuénsi C.
- Beuki luhur frékuénsi Ka mangka beuki uduh ku parobahan kaayaan atmosfir, hususna hujan Mirabito, Michael M.A., and Barbara L. Morgenstern, E: "The New Communication Technologies: Applications, Policy, and Impact (Fifth Edition)", Ch.7. UK: Focal Press, 2004, di mana daya pancar (émisi) anu ditarima baris diredam sarta suhu sistem noise ngaronjat di sisi panarima. Hal ieu ngabalukarkeun kualitas sambungan, rasio sinyal jeung noise bakal turun alatan niléy temperatur, suhu sistem dina sisi panarima ngaronjat sarta panguatan dina anteneu panarima turun Setiawan, Eddy , E: "Pengenalan Umum Pita Frekuensi Ka dan Industri Satelit Telekomunikasi Pita Lebar Dunia, ASSI Newsletter Number 4, Volume I, April 2000.
Panerapan
[édit | édit sumber]Kiwari pita frékuénsi Ka diterapkeun pikeun telekomunikasi satelit, antara lain pikeun kaperluan Internet, video conference, video telephone, data broadcasting, voice (telepon) rural/remote area, tele-medecine, tele-education, SCADA, local television (broadcasting) satellite data relay services, Inter Satellite Links (ISL), news gathering sarta PC Networks Setiawan, Eddy , E: "PEngenalan Umum Pita Frekuensi Ka dan Industri Satelit Telekomunikasi Pita Lebar Dunia", ASSI Newsletter Number 4, Volume I, April 2000. Sanajan kitu, lolobana panerapan anu baris dilayanan ku pita frékuénsi Ka nyaéta aplikasi Internet jeung Multimedia.
Satelit
[édit | édit sumber]Satelit-satelit anu ngagunakeun pita frékuénsi Ka antara lain:
- PCG (Hongkong/Singapura)
- Sirius 4
- Directv 11
- Nimiq 4
- Hylas
- Badr 5
Tumbu kaluar
[édit | édit sumber]- Lyngsat
- Channel 11 - Connecting The World Archived 2008-12-29 di Wayback Machine
- forum.ecoustics.com Archived 2008-02-13 di Wayback Machine
- elektroindonesia.com
- tech-faq.com