Rékayasa sipil

Ti Wikipédia, énsiklopédia bébas
Luncat ka: pituduh, paluruh

Dina watesan modérn, téhnik sipil ngalegaan jadi rékayasa nu kabagi jadi sababaraha bagian nyaéta "perencanaan", konstruksi jeung perawatan struktur nu aya hubunganna jeung bumi, cai atawa peradaban jeung prosesna. Ayeuna téhnik sipil ogé nyakup jalan, struktur, sumber cai, cai kotor, kontrol banjir atawa lalu lintas.

Rekayasa diwangun tina hasil panalungtikan pakaitna sistem alami jeung jieunan-manusa sarta diwangun ogé tina persamaaan empiris keur kaperluan désain. Rekayasa sipil mangrupa rekayasa nu ilahar dipaké dina widang rekayasa. Kanyataana, ngan aya dua rekayasa utama nyaéta sipil jeung militer. Sakabéh rekayasa husus mangrupa turunan tina rekayasa sipil. Rekayasa sipil mangrupa payung keur rekayasa-rekayasa husus séjénna.

Widang dina Téhnik Sipil[édit | édit sumber]

Téhnik Sipil Umum[édit | édit sumber]

téhnik sipil umum museurkeun kana sakabéh hal nu pakait jeung proyék sacara umum. Dina migawe hiji proyék, téhnik sipil umum pakait jeung ahli survey sarta ahli sipil husus séjénna keur nyieun sarta nangtukeun tempat, komunitas sarta kaayaan nu hadé, drainase (kontrol banjir), sistem ngalirkeun cai, runtah, listrik sarta kaperluan komunikasi jeung lahan. téhnik sipil umum loba méakeun waktu keur datang ka lokasi, ngawangun komunitas atawa hubungan ka tatangga sarta nyiapkeun rencana pangwangunan.

Rekayasa Struktur[édit | édit sumber]

Rekayasa struktur museurkeun kana widang désain jembatan, wangunan, wangunan lepas pantai, waduk jst. Desain struktur sarta analisa struktur mangrupa bagéan tina widang rekayasa struktur sarta mangrupa konci utama dina proses désain struktur. Kaasup ogé itungan tekanan jeung beban nu mangaruhan kana struktur. Salian ti éta ahli struktur ogé pakait jeung widang séjén saperti désain kapal udara, pesawat ruang angkasa sarta alat-alat kasehatan.

Rekayasa Geoteknik[édit | édit sumber]

Widang nu ngadukung rekayasa struktur nyaéta rékayasa géotéhnik. Pentingna widang rekayasa géotéhnik ku sabab wangunan geus pasti pakait raket jeung taneuh. Rékayasa géotéhnik museurkeun kana panalungtikan sifat taneuh, mekanika taneuh, pondasi, pakaitna taneuh jeung struktur sarta dinamika taneuh.

Rekayasa Lalulintas[édit | édit sumber]

Rekayasa lalulintas museurkeun kana teori antrian sarta perencanaan lalulintas, désain géometri jalan sarta pola paripolah supir. Simulasi operasi lalulintas dijieun ku maké turunan "perjalanan", algoritma lalulintas nu bisa dipaké keur masalah komputasi nu kaitung ruwet.

Téhnik Lingkungan[édit | édit sumber]

Tehnik lingkungan pakait jeung pengolahan kimia, biologi atawa jeung limbah pasan, penjernihan cai jeung udara sarta jeung remediasi di tempat nu mana bakal dipaké keur tempat pamiceunan. Widang nu pakait jeung téhnik lingkungan di antarana water purification, sewage treatment, sarta manajemen hazardous waste. téhnik lingkungan ogé pakait jeung hydrology, geohydrology sarta meteorology utamana pangaweruh cai jeung ngalirna diperlukeun keur ngarti kana "pollutant transport". Ahli téhnik lingkungan ogé nalungtik ngeunaan "pengurangan polusi", green engineering sarta industrial ecology.

Tehnik lingkungan ogé mangrupa watersan anyar keur Sanitary engineering. Sababaraha watesan ogé digunakeun saperti public health engineering jeung environmental health engineering.

Rekayasa Hidrolika[édit | édit sumber]

Rekayasa hidrolika museurkeun kana aliran sarta ngalirna aliran, utamana aliran cai. Widang rekayasa ieu pakait raket keur jembatan, waduk, saluran cai, kanal, sarta tanggul ogé pakait jeung rekayasa lingkungan jeung sanitary.

Manajemen Konstruksi[édit | édit sumber]

Manajemen konstruksi kaasup rencana jeung mutuskeun désain keur ahli transportasi, planologi, hidrolika, lingkungan, struktur jeung géotéhnik.

Elmu Material[édit | édit sumber]

Rekayasa sipil ngawengku ogé elmu material. Ahli material kasaaup beton, baja, polimer jeung keramik nu pakait jeung pamakena dina widang rekayasa.

Karir[édit | édit sumber]

Kasalahan konsép nu ilahar nyaéta yén rekayasa sipil teu merlukeun kamampu nu cukup dina widang matematika jeung elmu komputer. Dina kanyataanna, ayeuna loba maké elmu komputer keur migawe rekayasa sipil, nu mana struktur jeung analisa masalah merlukeun komputasi jeung ngawangun algortima tingkat luhur.

Ahli sipil nu digawe dina widang rekayasa kasalametan, maké metoda probalilitas keur désain struktur, analisa kaamanan sarta ngitung karugian akibat bencana alam jeung jieunan manusa.

Tempo oge[édit | édit sumber]