Caah

Ti Wikipédia Sunda, énsiklopédi bébas
(dialihkeun ti Banjir)
Loncat ke navigasi Loncat ke pencarian
caah di Jakarta

Caah mangrupa kajadian surupna daratan (anu biasana garing) alatan jumlah cai anu ngaronjat.[1] Caah bisa lumangsung alatan mudalna cai anu kaleuleuwihan di hiji tempat alatan hujan badag, mudalna cai walungan, atawa mudalna situ atawa waduk.[1] Di wewengkon anu gersang , taneuhna miboga daya serapan cai anu goréng, atawa jumlah curah hujan ngaleuwihan pangabisa taneuh pikeun nyerepan cai. [1] Sabot hujan turun, anu sakapeung lumangsung nyaéta caah ujug-ujug anu dibalukarkeun kaeusina saluran cai anu garing ku cai. [1] Caah sarupaning ieu disebut caah rongkah.[1] Aya dua faktor parobahan naha caah lumangsung nyaéta

  1. parobahan lingkungan di mana dijerona aya parobahan iklim, parobahan geomorfologi, parobahan géologi sarta parobahan tata rohang. [2]
  2. parobahan ti masarakat éta sorangan.[2]

Hujan mangrupa faktor utama cukang lantaran caah. [2] Parobahan iklim ngabalukarkeun pola hujan robah di mana ayeuna hujan anu lumangsung miboga waktu anu pondok tapi sering. [2] Alatan kaayaan ieu saluran-saluran cai anu aya henteu sanggup deui nandéan badagna aliran permukaan sarta taneuh-taneuh gancang ngalaman penjenuhan .[2]

Rujukan[édit | édit sumber]

  1. a b c d e (id)faktor penyebab banjir (diaksés tanggal 21 November 2011)
  2. a b c d e (id)Hj.Patimah,spk. Ensiklopedi Sunda : Alam, Manusia dan Budaya termasuk Budaya Cirebonan dan Betawi. PT Dunia Pustaka Jaya. Jakarta 2000.
Nulis.jpg