Roti unyil

Ti Wikipédia, énsiklopédia bébas
Luncat ka: pituduh, paluruh
Roti unyil

Roti unyil nyaéta roti anu mibanda ukuran leuwih leutik tibatan roti séjén anu ilahar.[1] Gedéna ngan sakeupeul atawa ukur sahuapeun, sanajan leutik roti unyil keur meujeuhna kasohor tur pada mikaresep utamana di kota-kota gedé."[1]" Roti unyil sarua baé jeung roti nu biasa, bisa dipaké sarapan atawa dahareun mangsa keur rinéh atawa oléh-oléh mangsa balik indit-inditan.[2]

Ditempo tina rasana, roti dibédakeun kana dua rupa taya lian roti tawar jeung roti amis.[2] Roti nu amis pang lobana rupa jeung rasa kayaning: bungbuahan, keju, coklat, jeung sajabana.[2] kitu deui dina eusina roti unyil mibanda rupa-rupa eusi kayaning: daging hayam, daging sapi, sosis, abon jeung sajabana.[2] Lobana rupa jeung wujud roti unyil téh supaya nu meuli kapincut hayang nyobaan atawa meuli, utamana roti pikeun barudak mah dina roti téh maké papaés (topping) rupa-rupa kelir jeung wujud sasatoan atawa kekembangan.[2]

Bahan-bahan[édit | édit sumber]

  1. Tipung tarigu nu luhur kadar protein, 350 gr
  2. Tipung tarigu protein sedeng, 150 gr
  3. Gula bodas, 125 gr
  4. Endog beubeureumna, 3 siki
  5. Uyah saperluna
  6. Cai, 275 ml
  7. Mantéga atawa shortening, 100 gr.[3]

Cara nyieun[édit | édit sumber]

  1. Ayak heula tariguna
  2. campurkeun gula, endog, cai, jeung uyah kana tarigu beunang ngayak
  3. Purulukan ragi instan kana adonan
  4. Galokeun adonan bari dicician cai nepikeun ka liket, kurang leuwih 10-15 menit
  5. Asupkeun mantégana bari tuluy di galokeun nepika adonan leuleus liat, kurang leuwih 5-10 menit.
  6. Tunda heula adonan nu geus leulues kurang leuwih 30 menit
  7. Timbang adonan kurang leuwih 10 gr, tuluy dijieun wujud, kumaha pangaresep
  8. Sangakan luhureun roti hérang, saméméh di oven diulasan heula make kokoneng endog
  9. Kakara adonan di oven kurang leuwih 20-30 menit dina suhu 150° C.[3]

Dicutat tina[édit | édit sumber]

  1. a b Soechan, Lanny (2007). Roti unyil: asin dan gurih Easy cooking step by step. Jakarta: Gramedia Pustaka Utama. p. 32. ISBN 9789792227703. 
  2. a b c d e Hardiman, Intarina (2011). Roti Unyil untuk Isi Goody Bag Easy cooking step by step. Jakarta: Gramedia Pustaka Utama. p. 32. ISBN - Check |isbn= value (bantuan). 
  3. a b Setyo Mudjajanto , Lilik Noor Yuliati, Eddy (2007). Bisnis Roti. Jakarta: Penebar Swadaya Grup. p. 65. ISBN 9789790026124. 
Nulis.jpg