Rudy Hartono Kurniawan

Ti Wikipédia, énsiklopédia bébas
Loncat ke navigasi Loncat ke pencarian


Rudy Hartono Kurniawan

Rudy Hartono Kurniawan nyaéta salasahiji pamaén badminton Indonesia.[1] Lahir di Surabaya tanggal 18 Agustus 1949.[2] Anak bungsu ti tilu sadudulur.[1] Ti leuleutik, Rudi geus resep kana rupa-rupa olahraga kayaning voli, ngojay, maén bal, jeung badminton.[1] Nalika umurna 11 taun, Rudy latihan di Asosiasi Bulu Tangkis Oke milik bapana kalawan pola latihan nu geus ditangtukeun ku bapana ogé.[1] Sanggeus sawatara waktu dilatih di grup bapana, Rudy pindah ka Rajawali Group.[1] Sanggeus ti Rajawali Group, Rudi ngagabung ka Pusat Pelatihan Nasional pikeun Thomas Cup di ahir taun 1965.[1] Tuluy Rudy jadi bagéan ti tim Thomas Cup nu meunang dina taun 1967.[1] Dina umurna nu ka 18, Rudy jadi jawara kahiji dina All England ngéléhkeun pamaén Malaysia Tan Aik Huang kalawan skor 15-12 dan 15-9.[1]
Lalaki nu lahir taun 1949 ieu, ngaranna kungsi diabadikeun dina Guiness Book of World Records taun 1982 lantaran meunangkeun jawaara All England dalapan kali sarta meunangkeun Thomas Cup opat kali.[1] Rudy ogé meunang jujuluk Asian Heroes kategori Athletes & Explores versi majalah Time kalawan ngaran Nio Hap Liang.[1]

Préstasi-préstasi[édit | édit sumber]

  1. Jawara tunggal putra All England 8 kali (1968, 1969, 1970, 1971, 1972, 1973, 1974, jeung 1976).[2]
  2. Runner-Up All England 2 kali (1975, 1978).[2]
  3. Jawara bareng Tim Indonesia dina Thomas Cup 4 kali (1970, 1973, 1976 dan 1979).[2]
  4. Jawara World Championship, 1980.[2]
  5. Jawara Denmark Open 3 kali (1971, 1972, 1974).[2]
  6. Jawara Canadian Open 2 kali (1969, 1971).[2]
  7. Jawara US Open, 1969.[2]
  8. Jawara Japan Open, 1981.[2]
  9. Ketua Bidang Pembinaan PB PBSI (1981-1985).[2]

Panglélér[édit | édit sumber]

  1. Asian Heroes, Time Magazine, 2006.[2]
  2. Olahragawan terbaik SIWO/PWI (1969 dan 1974).[2]
  3. IBF Distinguished Service Award 1985.[2]
  4. IBF Herbert Scheele Trophy 1986.[2]
  5. Honorary Diploma 1987 ti The International Committee’s “Fair Play” Award.[2]
  6. Tanda Kehormatan Republik Indonesia Bintang Jasa Utama.[2]

Referensi[édit | édit sumber]

  1. a b c d e f g h i j Rudy Hartono sang Juara (id) (Diakses tanggal 26 Nopember 2011)
  2. a b c d e f g h i j k l m n o p Rudy Hartono (id) (Diakses tanggal 26 Nopember 2011)


Replace this image male.svg