Sfigmomanométer
Sfigmomanometér atawa ténsiméter nyaéta alat anu diasupkeun kana mansét kantong hawa, digunakeun bareng jeung stétoskop keur ngukur tekenan getih dina arteri.[1][2][3] Ieu alat diwengku ku bagéan anu digulungkeun kana leungeun luhur, dijieun tina karét berongga anu fungsina nahan aliran getih lamun ka jerona dikompakeun hawa.[1] Bagian ieu dihubungkeun jeung pompa hawa, jeung deuih di tungtung lainna jeung pipa anu eusina cai raksa.[1]
Cara Gawé Ténsiméter
[édit | édit sumber]Prinsip gawé ténsiméter ngagunakeun jangkung kolom (tabung) anu eusina liquid statik keur nangtukeun tekenan.[4] Mansét dipasang ngurilingan leungeun jeung tuluy diteken ku tekenan di luhureun tekenan arteri leungeun (brachial).[4] Geus kitu tekenanana saeutik-saeutik diturunkeun.[4] Maca jangkung merkuri dina kolom (tabung manométer) ningalikeun peak pressure (sistolik) jeung lowest pressure (diastolik).[4] Tensi atawa tekenan getih manusa normal déwasa nyaéta 100-130 mmHg keur tekenan sistolik jeung 60-90 mmHg keur tekenan diastolik.[4]
Jenis Ténsimeter
[édit | édit sumber]Ténsiméter aya tilu rupa, nyaéta:
- Ténsiméter cai raksa – mangrupa ténsiméter konvénsional anu masih ngagunakeun cai raksa.[4] Tensiméter jenis ieu merlukeun stétoskop keur ngadéngé munculna sora tekenan sistolik jeung diastolik dina jantung.[4]
- Ténsiméter aneroid – ngagunakeun puteran angka minangka gaganti cai raksa.[4] Sarua jeung ténsiméter cai raksa, tensiméter aneroid masih ngagunakeun stétoskop.[4]
- Ténsiméter digital – ngagunakeun sénsor minangka alat keur ngadeteksina.[4] Alatan éta ieu ténsiméter cocok dipaké ku maranéhna nu miboga gangguan dédéngéan.[4]
Bagian – bagian Ténsimeter
[édit | édit sumber]- Menset – fungsina keur nampung hawa anu dikompa tina bulb jeung keur ngadeteksi tekenan getih pasien anu dina pamakéanana dipasang dina leungeun pasien.[4]
- Bulb atawa pamompa – fungsina keur ngompa hawa kana menset.[4]
- Tabung kaca pangukur – fungsina keur ngukur cai raksa anu dikompa ku hawa kana jero menset. Luhureun tabung kaca pangukur aya liang paranti miceun hawa.[4]
- Valve on/off – fungsina keur muka atawa nutup jalanna cai raksa.[4]
- Tabung cai raksa – fungsina keur nampung cai raksa. Luhureun tabung cai raksa, aya filterna.[4]
Cara Kalibrasi
[édit | édit sumber]Sangkan ténsimeter bisa digunakeun keur ngukur tekenan getih kalawan hadé, kudu dikalibrasi heula.[4] Carana nyaéta:
- Buka tutup tabung cai raksa, kaluarkeun cai raksa kana wadah nu aman.[4]
- Leupaskeun U-tube, tabung cai raksa, selang, bulb jeung manset tina casing ténsimeter.[4]
- Beresihan bagéan jero U-tube jeung tabung cai raksa tina kokotor.[4]
- Pasang deui U-tube, tabung raksa, selang, manset jeung bulb kana ténsiméter.[4]
- Eusi tabung raksa ku cai raksa nepi ka aya dina angka 0.[4]
- Lakukeun kalibrasi ku Phantom.[4]
- Pasang Phantom dina sambungan selang ténsiméter.[4]
- Hurungkeun Phantom, pencét tombol zero keur ngalakukeun zeroing.[4]
- Pasang mansét dina objék naon waé minangka gaganti leungeun pasien.[4]
- Angka dina display kudu nunjukkeun angka 0 nalika zeroing, mun henteu 0, tambah atawa kurangan cai rangksa nepi ka ningalikeun angka 0.[4]
- Pompa ténsiméter, tingali posisi cai raksa dina ténsiméter jeung saruakeun jeung angka anu dituduhkeun dina phantom.[4]
- Cai raksa jeung phantom kudu ningalikeun angka anu sarua (toléransi=1).[4]
- Lamun béda, tambahan atawa kurangan cai raksana.[4]
- Sanggeus éta, tutup deui tabung cai raksana.[4]
Referensi
[édit | édit sumber]- ↑ a b c "PENGERTIAN SFIGMOMANOMETER" (dalam bahasa en-US). ARTI DEFINISI PENGERTIAN. 2014-12-30. http://arti-definisi-pengertian.info/pengertian-sfigmomanometer/. Diakses pada 2017-12-05
- ↑ "Sfigmomanometer". Kamus Kesehatan. Diakses tanggal 5 Desember 2017.
- ↑ "sfigmomanometer". Kamus Besar Bahasa Indonesia (KBBI). Diakses tanggal 5 Desember 2017.
- ↑ a b c d e f g h i j k l m n o p q r s t u v w x y z aa ab ac ad ae "Fungsi Tensimeter". Fungsiklopedia. Diakses tanggal 5 Desember 2017. Archived 2017-11-29 di Wayback Machine