Lompat ke isi

Siklizin

Ti Wikipédia Sunda, énsiklopédi bébas
 Artikel ieu masihan informasi dasar dina bidang kesehatan. Informasi dina artikel ieu ngan meunang digunakeun kanggo informasi ilmiah, teu bisa ngaganti diagnosis medis.
Perhatosan: Wikipédia lain dokter, sagala informasi anu aya dina ieu énsiklopédi dumasar rujukan anu aya.
Saupama anjeun aya keluhan, konsultasikeun jeung tenaga kaséhatan langsung
Siklizin
Ngaran sistimatik (IUPAC)
1-benzhydryl-4-methyl-piperazine
Identifiers
Nomer CAS 82-92-8
Sandi ATC R06AE03
PubChem 6726
DrugBank DB01176
ChemSpider 6470
Data kimia
Rumus C18H22N2 
Mass. mol. ?
Data farmakokinetik
Bioavailabilitas ?
Metabolisme N-demethylated to inactive norcyclizine[1]
Waktu paruh 20 jam
Eksresi ?
Therapeutic considerations
Kat. kehamilan

A(AU) B(US)

Legal status

Pharmacist Only (S3)(AU) P(UK) OTC(US) OTC (Netherlands)

Jalur ngaliwatan baham, IM, IV

Siklizin ieu ubar tina golongan antihistamin[2] nu miboga fungsi pikeun nyingkahan sarta ngungkulan sebel, utah, nu disabakeun ku mabok perjalanan.[3] Ubar ieu ogé dipaké pikeun ngurangan lieur, leungit kasaimbangan (vertigo),[4][5] nu disababkeun ku panyakit nu mangaruhan ceuli bagéan jero jeung lieur sanggeus operasi atawa radioterapi.[6][7][8]

Ngaran lian

[édit | édit sumber]

Ieu di handap sababaraha ngaran lian tina Siklizin, kayaning:[2]

  • Ciclizina
  • Cyclizine
  • Cyclizinum

Cara gawé

[édit | édit sumber]

Siklizin ieu gawé kucara ngahalangan réséptor histamin jeung muskarinik dipusat otak nu ngontrol bagéan ieu, nyegah puseur ieu pikeun narima réspon saraf ti aparatus vestibular.[6] Hal ieu nyingkahan ganguan di ceuli tengah keur ngaaktifkeun pusat utah jeung nyababkeun sebel, vertigo sarta utah.[9] Siklizin ogé bisa nyegah puseur utah narima réspon ti aréa otak nu disebut zona pamicu kemoreseptor (CTZ). CTZ ieu distimulasi ku agén nu sumebar dina getih, misalna anestetik jeung ubar pangleungit rasa nyeyri opioid kayaning morfin. Siklizin mantuan pikeun nyegah agén ieu ngaaktifkeun puseur utah jeung nyababkeun panyakit.[7]

Cara maké

[édit | édit sumber]

Cara maké ubar ieu kaitung babari, ubar dina bentuk tablet, diinum kucara digayem saacan diteureuy. Inum maké cihérang, bisa ogé diinum babarengan jeung kadaharan séjénna. Mun anjeun nginum ubar ieu tanpa resép ti dokter, inum ubar ieu saluyu jeung aturan nu aya dina label ubar. Mun anjeun boga patanyaan ngeunaan ubar ieu, tanyakeun ka apotéker. Mun dokter nu ngaresépkeun ubar ieu, inum saluyu jeung paréntah dokter.[6]

Dosis ubar ieu dumasar kana umur anjeun, kaayan médis sarta réspon kana ieu ubar.[7][9]

Cara nyimpen

[édit | édit sumber]

Siklizin téh salah sahiji ubar nu hadéna mah disimpen dina suhu ruangan, jauhkeun ti cahaya langsung jeung tempat nu lembab. Ulah disimpen dikamar mandi, ulah dibekukeun. Mérk lian tina ubar ieu bisa jadi ngabogaan aturan nyimpen nu béda. Perhatikeun intruksi panyimpenan dina bungkus ubar ieu atawa tanyakeun ka apotér. Jauhkeun sakabéh ubar-ubaran ti budak leutik jeung sati piaraan.[3][6]

Ulah ngabanjur ubar ieu ka jero saluran pamiceunan kecuali mun dititah. Piceun ubar ieu mun geus béak masa pamakéanna atawa geus teu diperlukeun deui. Cara pamiceunan ubar ieu sarta pangelolaan limbah bisa dikonsultasikeun jeung apotéker. [6]

Hal nu kudu diperhatikeun

[édit | édit sumber]

Hal nu kudu diperhatikeun saacan maké ubar ieu, mun anjeun boga alérgi ka ubar ieu, salian ti éta, keur mastikeun siklizin aman keur anjeun, jéntrékeun ka dokter mun anjeun miboga kaayaan kawas:[3]

  • Bronkitis atawa masalah rénghap lianna
  • Glaukoma
  • Pembesaran prostat, masalah kahampangan

Pamakéan ubar ieu keur awéwé nu kakandungan nepi ka kiwari can aya panalungtikan ngeunaan résiko pamakéan ubar ieu keur awéwé nu kakandungan sarta keur nyusuan orok. Saacan nginum ubar ieu, konsultasikeun heula jeung dokter pikeun nimang mangpaat nu karasa sarta résiko nu bisa karandapan. Ubar ieu kaasup kana ubar kategori B numutkeun US Food and Drugs Administration (FDA) Amérika Serikat, atawa sarua jeung BPOM mun di Indonésia mah. [6][10]

Ieu di handap référénsi katégori kahamilan numutkeun Food and Drugs Administration FDA:

  • A = Teu miboga résiko
  • B = Teu miboga résiko numutkeun kana sababaraha panalungtikan
  • C = Bisa jadi boga résiko
  • D = Aya bukti positif boga résiko
  • X = Kontraindikasi
  • N = Teu dipikanyaho

Dosis siklizin sasakali bisa ditarima keur awéwé nu nyusuan, dosis gedé atawa pamakéan nu leuwih lila bisa nyababkeun éfék pikeun orok atawa ngurangan cai susu, utamana dina kombinasi simpatomimetik kayaning pseudoefedrin atawa saacan nyusuan. [11] Ubar ieu teu meunang dipaké pikeun budak handapeun 6 taun. Sarta ubar ieu nyababkeun tunduh.[3]

Interaksi Siklizin

[édit | édit sumber]

Interaksi ubar bisa ngarobah gawé ubar atawa ngaronjatkeun résiko éfék samping nu leuwih serius. Teu sakabéh kamungkinan interaksi ubar aya dina ieu tulisan. Ieu di handap sababaraha ubar nu unteraksi jeung siklizin:

Interaksi ubar ieu bakal karandapan mun anjeun nginum kalium dina formulasi nu padet (kayaning: tablét atawa kapsul nu diteureuuy buleud). Éfék nu karasa gumantung kana kaayaan kaséhatan anjeun, ngombinasikeun kadua ubar ieu bisa ningkatkeun éfék iritasi kalium beuteung jeung peujit bagéan luhur, réaksi nu jarang kajadian bisa nyababkeun bisul, perdarahan, jeung cedera gastrointestinal lianna

  • Kalium klorida,[12]
  • Kalium Sitrat,[13]
  • Propoxyphene: Pamakéan propoxyphene jeung siklizin bisa ningkatkeun éfék samping kayaning lieur, tunduh, linglung, sarta hésé konséntrasi. Sababaraha jalma, utamana kolot, bisa ogé ngarandapan gangguan dina pamikiran, pameunteunan, jeung koordinasi motorik. Anjeun kudu maké ubar propoxyphene saluyu jeung nu geus ditangtukeun ku dokter,[14]
  • Natrium oksibat: Pamakéan ubar ieu jeung siklizin bisa ngaronjatkeun éfék samping kayaning tunduh, lieur, nyeri sirah, linglung, déprési, tekanan darah rendah, rénghap nu pondok , jeung gangguan dina mikir, pameunteunan, sarta koordinasi motorik. Bisa ogé nyababkeunn koma nepi ka tilar dunya,[15]

Éfék samping

[édit | édit sumber]

Éfék samping mangrupa hiji éfék nu teu dipiharep tina ubar. Éfék samping ieu bisa mangrupa-rupa di sababaraha jalma gumantung kana kaayaan panyakit, umur, beurat awak, jinis kelamin, étnis, jeung sababaraha kaayaan kaséhatan lianna. Ieu di handap sababaraha éfék samping nu bisa karasa sanggeus nginum siklizin:[6][7][16]

  • Tunduh
  • Awak laleuleus
  • Leungitna koordinasi
  • Biwir, irung, tikoro garing
  • Konstipasi
  • Titinggalian burem
  • Kulit ruam
  • Ratug jantung (takikardia).
  • Lieur, Gulisah,, Kejang
  • Hésé kahampangan
  • Nyalingit beuteung.

Tutumbu luar

[édit | édit sumber]

Rujukan

[édit | édit sumber]
  1. ↑ "DrugBank: Cyclizine. Pharmacology: metabolism". DrugBank Database. Diarsipkan dari versi asli tanggal 30 January 2016. Diakses tanggal 5 January 2016. 
  2. ↑ a b "Cyclizine". www.drugbank.ca. Diakses tanggal 2020-06-28. 
  3. ↑ a b c d "Cyclizine Uses, Side Effects & Warnings". Drugs.com. Diakses tanggal 2020-06-28. 
  4. ↑ "Obat Mabuk Perjalanan, Teman di Kala Traveling". Alodokter. Diakses tanggal 2020-06-28. 
  5. ↑ Sulaeman, Suherni. "Mengatasi Vertigo". detikHealth (dalam Indonesian). Diakses tanggal 2020-06-29. 
  6. ↑ a b c d e f g "Cyclizine : Fungsi, Dosis, Efek Samping, Cara Pakai". Hello Sehat (dalam id-ID). Diakses tanggal 2020-06-28. 
  7. ↑ a b c d "Tablet Cyclizine – Isep". isep.sunpter.com. Diakses tanggal 2020-06-28.  Archived 2020-06-29 di Wayback Machine
  8. ↑ "Cyclizine - Kegunaan, Efek Samping, Ulasan, Komposisi, Interaksi, Peringatan, Substitusi, dan Dosis". tabletwise (dalam Indonesian). Diakses tanggal 2020-06-28.  Archived 2020-06-28 di Wayback Machine
  9. ↑ a b "Cyclizine 50mg Tablets - Summary of Product Characteristics (SmPC) - (emc)". www.medicines.org.uk. Diakses tanggal 2020-06-29. 
  10. ↑ "Cyclizine Use During Pregnancy". Drugs.com. Diakses tanggal 2020-06-29. 
  11. ↑ "Cyclizine use while Breastfeeding". Drugs.com. Diakses tanggal 2020-06-29. 
  12. ↑ "Cyclizine and potassium chloride Drug Interactions". Drugs.com. Diakses tanggal 2020-06-29. 
  13. ↑ "Cyclizine and potassium citrate Drug Interactions". Drugs.com. Diakses tanggal 2020-06-29. 
  14. ↑ "Cyclizine and propoxyphene Drug Interactions". Drugs.com. Diakses tanggal 2020-06-29. 
  15. ↑ "Cyclizine and sodium oxybate Drug Interactions". Drugs.com. Diakses tanggal 2020-06-29. 
  16. ↑ "Cyclizine Side Effects: Common, Severe, Long Term". Drugs.com. Diakses tanggal 2020-06-30. 
Dicomot ti "https://su.wikipedia.org/w/index.php?title=Siklizin&oldid=666710"