Sisir

Ti Wikipédia Sunda, énsiklopédi bébas
sisir Tooth Comb

Sisir (basa hormat: Pamérés) nyaéta alat pikeun ngarapihkeun atawa ngatur buuk, dijieunna tina tanduk, palastik atawa logam anu miboga gerigi ipis jeung rapet[1].

Rupa-Rupa Sisir[édit | édit sumber]

Teu sakabéh jelema nyaho yén bisa milih sisir dumasar kana modél buuk, panjang pondokna buuk, atawa efek tatanan anu dipikahayang[2].di handap ieu aya sababaraha rupa sisir, di antarana[2]:

Tooth Comb[édit | édit sumber]

Sisir jenis ieu paling loba dipaké, wangunna lempeng ipis ditambah gerigi anu ngabalukarkeun leuwih praktis pikeun dibabawa[2]. Dumasar kana karapetan gerigina, sisir ieu dibagi deui jadi sisir bergerigi rapet jeung sisir bergerigi jarang[2]. Leuwih rapet sisirna mangka lamun buukna rontok leuwih katempo komo lamun buukna kusut tapi hasilna bakal leuwih rapih[2]. ku sabab kitu pilih sisir anu bergerigi jarang pikeun buuk anu keriting atawa masih baseuh ku sabab buuk baseuh biasana leuwih babari rontok[2]. Pilih sisir anu bergerigi rapet pikeun buuk anu lempeng jeung pondok[2]. éfekna buuk bakal katempo leuwih mekar[2].

Tail Comb[édit | édit sumber]

Fungsina pikeun menyasak buuk[2]. ku sabab kitu, sisir ieu mindeng disebut sisir sasak[2]. Miboga gerigi anu rapet di satengahna, sedengkeun satengahna deui teu bergerigi jiga buntut sisir[2]. Buntut sisir ieu miboga fungsi pikeun misahkeun bagéan buuk atawa nyieun beulahan buuk pikeun diuntun, digalingkeun, atawa modél séjénna[2]. Jarak antara gerigi anu rapet ngababarikeun nyasak buuk saméméh disanggul[2].

The Pick[édit | édit sumber]

Dipikawanoh ogé salaku sisir garpuh ku sabab wangunna jiga garpuh dahar[2]. Wangunna anu ngababarikeun pikeun dicekelan jeung unik loba nu mikaresep[2]. Sisir ieu cocok dipaké pikeun anu buukna galing ku sabab bisa misahkeun buuk ikal jeung galing anu hésé dipisahkeun[2]. Lian ti éta sisir ieu ogé bisa ngaheuraskeun gelombang buuk.

Paddle Hair Brush[édit | édit sumber]

Sikat rambut ieu disebut ogé sisir dayung[2]. Sisir ieu miboga dasar anu mangrupa bantalan karét anu lega jeung rata[2]. Cocok dipaké pikeun buuk anu lempeng ku sabab nyieun buuk jadi katempo leuwih lurus jeung rapih[2].

Round Hair Brush[édit | édit sumber]

Sisir buleud atawa sikat buleud ieu bisa nyieun buuk jadi leuwih katempo gomplok ikal jeung bergelombang[2]. Lamun diameter buleudanana leutik jeung miboga gerigi anu panjang , hasil keritinganana leuwih laleutik pas pikeun anu buukna pondok jeung hayang ngabentuk efek galing sangkan katempo leuwih rapih[2]. Lamun maké anu diaméterna gedé, hasil buukna bergelombang[2]. Cocok dipaké pikeun anu boga buuk panjang jeung hayang galing muntang[2].

Vent Hair Brush[édit | édit sumber]

Sisir ieu miboga liang di bagéan tengahna[2]. Liang ieu miboga fungsi pikeun sirkulasi hawa jeung ngatéréhkeun prosés pikeun ngagaringkeun buuk[2].Sikat ieu biasa dipaké nalika prosés ngagaringkeun buuk maké hair dryer[2]. Umumna wangunna buleud nepi ka sikat ieu miboga fungsi tambahan pikeun nambahan volume buuk[2].

Referensi[édit | édit sumber]

  1. Definisi 'sisir'(diakses 6 november 2011)
  2. a b c d e f g h i j k l m n o p q r s t u v w x y z aa Macam - Macam Jenis Sisir(diakses 6 November 2011)