Sutardji Calzoum Bachri
Sutardji Calzoum Bachri katelah ku sebutan presidén penyair Indonesia jeung mengrupa salah sahiji panaratas penyair angkatan 1970-an, babar 24 Juni 1941 di Rengat, Indragiri Hulu, Riau. Sutardji nyaéta anak ka lima ti sabelas sadulur. Ramana nyaéta, Mohammad Bachri, ti Prembun, Kutoardjo, Jawa Tengah, nu ti bubujang ngarantau ka Riau nepi ka anjeuna menang jabatan Ajun Inspektur Polisi, Kepolisian Negara, Kementrian Dalam Negeri, Republik Indonesia di Tanjung Pinang, Riau (Tambelan). Wasta indung na nyaéta May Calzoum ti Riau (Tambelan). Tahun 1982 ajeunna nikah jeung Mardiam Linda ngabogaan anak nu wasta na Mila Seraiwangi.[1]
Pangalaman pendidikan[édit | édit sumber]
Tingkat pendidikan Sutardji dimiitian ti SD, SMP, SMA, terus nepi ka Fakultas Sosial Pulitik, Jurusan Administrasi Negara, Universitas Padjadjaran, Bandung, tapi teu tuntas. Salian ti éta, tahun 1974 anjeuna ngailuan International Poetry Reading di Rotterdam, Belanda. Bulan Oktober 1974-April 1975 anjeuna ngiluan International Writing Program di Universitas Iowa, Iowa City, USA. Anjeuna ogé kungsi ngiluan panataran P4 di Taman Ismail Marzuki, Jakarta tahun 1984, lulus salaku rengking kahiji tina 10 pangalusna. Anjeuna ogé kungsi diundang ka Pertemuan Internasional Para Penyair di Baghdad, Irak jeung K.H. Mustofa Bisri ogé Taufiq Ismail, ogé diundang Dato Anwar Ibrahim (pas ngajabat jadi Menteri Keuangan Malaysia) pikeun maca puisi di Departemen Keuangan Malaysia. Sutardji ogé kungsi ngailuan sababaraha panglawungan sastrawan ASéaN, pangla Sastrawan Nusantara di Singapura, Malaysia, dan Brunéi Darussalam. Tahun 1997 Sutardji diundang pikeun maca puisi di féstival Puisi Internasional Medellin, Columbia.[1]
Pangalaman gawé[édit | édit sumber]
Sutardji kungsi gawé di majalah Horison salaku rédaktur ,ti taun 1996 anjeuna bisa jadi rédaktur sénior. Sutardji ogé kungsi gawé di majalah mingguan Fokus, Sutardji ogé gawé jadi penjaga ruang seni "Bentara", hususna merhatikeun ngeunaan puisi dina harian Kompas (2000—2002) saanggeus jadi redaktur dina majalah sastra Horison.[1]
Karir sastra[édit | édit sumber]
Proses kréatipna dimimitian ti keur anjeunna jadi mahasiswa di umur 25 tahun. Anjeuna ngirimkeun sajak-sajak dan ésaina ka koran mingguan di Bandung, ogé di Jakarta, saperti Sinar Harapan, Kompas, Berita Buana, Pikiran Rakyat, Haluan, Horison, dan Budaya Jaya. Dina taun 1971, sajakna nu ngabogaan judul "O" nu mangrupa kumpulan puisina nu kahiji, terbit di majalah sastra Horison. Di taun satuluyna, di majalah nu sarua, karyana nu ngabogaan judul "Amuk" ogé dimuat. Sutardji katelah ku sebutan "Kredo Puisi" nu kasohor di dunia sastra Indonesia.[1]
Rujukan[édit | édit sumber]
- ↑ a b c d "Artikel "Sutardji Calzoum Bachri" - Ensiklopedia Sastra Indonesia". ensiklopedia.kemdikbud.go.id. Diakses tanggal 2019-02-16.