Tenis Meja

Ti Wikipédia Sunda, énsiklopédi bébas


Lumangsungna ténis méja

Ténis méja nyaéta salah sahiji tina cabang olahraga kaulinan, nyaéta mangrupa kaulinan anu ngagunakeun bola leutik.[1] Ténis méja mangrupa hiji kaulinan nu nggunakeun méja keur lapanganna nu diwatesanan ku jaring (nét) nu ngagunakeun bola leutik nu dijieun tina celluloid jeung maénna ngagunakeun panggebug atawa disebut bét.[2]

Sajarah ténis méja[édit | édit sumber]

Ténis méja mimiti dipakawanoh di nagara Indonésia kira-kira taun 1930.[1] Nalika éta kaulinan ténis méja ngan dilakukeun ku urang Walanda wungkul keur ngeusian waktu kosong atawa pikeun rékréasi di balé panglawungan.[1] Jadi bisa disebutkeun yén kaulina ténis méja mangsa harita tacan dipikawanoh ku masarakat Indonésia.[1] Ti mana asal kaulinan ténis méja nepi ka ayeuna tacan dipikanyaho sacara pasti.[1] Kitu ogé iraha mimiti dipaénkeun jeung saha nu mimiti maénkeunana.[1] Aya nu boga pamadegan yén kaulinan ténis méja asalna ti bangsa Iran, sabab kaulinan ieu minangka kaulinan zaman purba nu ngagunakeun kai keur alat panggebugna sedengkeun bolana dijieun tina usus sato anu dieusian ku udara.[1] Tapi urang Perancis ngadebatkeun minangka hak ciptana ku nyebutkeun yén dina abad ka-12 di Perancis geus dipikawanoh jeung dipikaresep ku bangsana kaulinan nu ngagunakeun bola digebug ku leungeun.[1] Aya ogé nu boga pamadegan yén diahir abad ka-19 dumasar kana data nu dikumpulkeun di perpustakaan, dipikanyaho yén mangsa harita perwira ti ketentaraan di daérah jajahan Inggris di benua Afrika Selatan, geus nyobaan kaulinan ténis méja, hiji kaulinan nu digunakeun pikeun hiburan.[1] Éta kaulinan dilakukeun di luhureun méja, di tengah-tengahna dipasang jarring nu dijieun tina sapatu tentara.[1] Sedengkeun nu digunakeun minangka panggebug nyaéta sapotong kai nu lébar, nu dijieun siga rakét ténis jeung bolana nyaéta bola ténis.[1] Numutkuen I Wayong, kaulinan ténis méja téh anak bungsu ti kaulinan tenis jeung bulu tangkis.[1] Dina taun 1990 kaulinan ténis méja mimiti sumebar ka nagara-nagara Eropa Barat, Eropa Tengah, jeung Amérika.[1] Sedengkeun ka nagara Asia, nyaéta Thiongkok jeung Jepang.[1] Tuluy aya hiji gagasan pikeun ngabentuk Féderasi Ténis Méja Internasional (taun 1990) nu dipikawanoh ku ngaran International Table Tennis Federation nu disingget ITTF nu disponsoran ku Lekman, jalma kabangsaan Jerman.[1] Féderasi ténis méja di Asia ngadeg taun 1952 nu ngarana Table Tennis Federation of Asia nu disponsoran ku S.S. de Millo jeung Mr.Rangga Ramajan.[1]

Referensi[édit | édit sumber]

  1. a b c d e f g h i j k l m n o p Syarifuddin, Aip dan Muhadi.1991.Pendidikan Jasmani dan Kesehatan. Jakarta:Depdikbud. Halaman 201
  2. Pengertian Tenis Meja Archived 2012-02-07 di Wayback Machine diakses tanggal 05 November 2011