Theo Walcott

Ti Wikipédia, énsiklopédia bébas basa Sunda
Luncat ka: pituduh, sungsi
Theo Walcott

Theo Walcott (ngaran lengkepna Theo James Walcott) gumelar ping 16 Maret 1989, di Stanmore Inggris.[1] Theo Walcott nya éta pamaén Sepak Bola profésional ti Inggris.[1]

Karir[édit | sunting sumber]

Theo Walcott ngamimitian karirna dina musim 2004-2005.[2] Harita Walcott jadi salah sahiji anggota tina tim Southampton Youth jeung nganteurkeun Southampton ka final FA Youth Cup ngalawan Ipswich Town.[2]

Anjeunna jadi pamaén pang ngorana anu maén sabagé pamaén cadangan dina éta tim, nya éta dina usia 15 taun, 175 poé.[2] Tuluy anjeunna jadi pamaén pang ngorana dina tim utama Southampton, nya éta usia 16 taun, 143 poé.[2]

Panampilanna di lapangan, nyababkeun loba tim gedé kabita ku kamampuna dina ngolah bola, tim-tim gedé éta diantawisna Arsenal, Chelsea, Liverpool, Manchester United, Tottenham Hotspur, Real Madrid, Juventus, Milan, jeung Barcelona.[2] Dina 20 Januari 2006, Walcott dibeuli ku Arsenal saharga 5 juta pounds.[2] Ieu harga ngajadikeun anjeunna pamaén usia 16 taun nu paling mahal dina sajarah Inggris.[2] 7 Pébruari 2006, Walcott ngamimitian karirna jeung Arsenal dina tim cadangan.[2] Dina kaping 16 Maret 2007, bareng jeung poé ulang taunna nu ka-18, Walcott nawis kontrak profesional munggaranna di Arsenal.[2]

Rujukan[édit | sunting sumber]

  1. a b Biografi Walcott
  2. a b c d e f g h i Karir (diaksés 03-12-2011)


Nulis.jpg