4 Vesta

Ti Wikipédia Sunda, énsiklopédi bébas
(dialihkeun ti Vesta)
astéroid vesta

Vesta (simbol: ⚶) nyaéta obyek pangbadagna kadua di Beubeur astéroid, kalayan diameter sagedé 530 kilométer (kira-kira 330 mil) sarta kira-kira mibanda massa 9% ti massa sakumna Beubeur astéroid.[1] Manéhna kapanggih ku astronom Jerman, Heinrich Wilhelm Olbers ping 29 Maret 1807.[1] Ngaran Vesta dicokot ti ngaran dewi parawan dina mitologi Romawi, anu mangrupa dewi nu ngajaga pikeun imah sarta dunya.[1] Vesta kaleungitan kira-kira 1% ti massana dina hiji tabrakan anu lumangsung kurang ti samilyar taun ka tukang.[1] Loba sésa-sésa ti kajadian ieu anu murag ka bumi minangka metéorit HED, hiji bukti anu aya ngeunaan astéroid.[1] Vesta nyaéta astéroid anu pangcaangna.[1] Jarak panglaérna Vesta ti Panonpoé nyaéta saeutik leuwih laér batan jarak minimum antara Ceres sarta Panonpoé, sedengkeun orbit Vesta sapinuhna aya di jero orbit Ceres.[1] Aya Gunung gedé di Vesta, kabentukna gunung di Vesta némbongkeun ayana aktivitas géologi di jero astéroid kasebut.[2] Aktivitas géologi di jero Vesta lumangsung alatan ayana gaya pasang surut antara Panonpoé, Jupiter, sarta Vesta.[2] Gaya kenyang Panonpoé sarta Jupiter anu lumangsung sacara tuluy-tinuluy sarta ngalawan gaya gravitasi Vesta nyieun inti astéroid pamustunganana robek sarta lééh jadi magma.[2] Magma anu kaluar ti kulit Vesta kasebut ngahasilkeun lava anu nyérélék kaluar ti kawah gunung.[2] Hawa Vesta anu minus 33 derajat celsius nepi ka minus 3 derajat celsius nyieun lava di ditu gancang tiiis sarta ngajadikeun heuras.[2]

Rujukan[édit | édit sumber]

  1. a b c d e f g (id)5 Asteroid paling terkenal di Tata Surya[tumbu nonaktif] (diaksés tanggal 2 Desember 2011)
  2. a b c d e (id)Ada Gunung besar di asteroid Vesta[tumbu nonaktif] (diaksés tanggal 2 Desember 2011)