Vihara Bhumi Pharsija

Ti Wikipédia Sunda, énsiklopédi bébas


Vihara Bumi Pharsija nyaéta salah sahiji vihara pangkolotna nu aya di kabupatén Cianjur. Perenahna di Jalan Mangunsarkoro No.60 anu asup kana wewengkon kampung Bojong Méron, Kalurahan Bojong Méron, Kacamatan Cianjur Kota. Ieu vihara téh perenahna di tengah-tengah padumukan di sisi lebag kulonna, ana pon sisi wétan, kidul jeung kalérna mangrupa lingkungan bisnis kayaning ruko, pasar jrrd. Perenahna anu di puseur kota ngajadikeun ieu vihara gampang dihontal maké kandaraan roda dua jeung roda opat.

Ieu vihara téh nyaéta tempat ibadahna agama Budha anu lolobana pangagemna téh ti kaum étnis Cina. Diwangun taun 1880 kalawan nepika kiwari kungsi ngalamas sababaraha kali pangropéa. Sacara umum wangunan vihara anu dipimilik jeung dikokolakeun ku Yayasan Vihara Bhumi Pharsija téh karawat kalawan alus jeung pungsina minangka tempat ibadah masih kénéh dipaké nepika kiwari.

Sumber Rujukan[édit | édit sumber]

Disbudpar Jawa Barat.2007. Profil Peninggalan Sejarah dan Purbakala di Jawa Barat dalam Khasanah Sejarah dan Budaya.Bandung:Disbudpar Jawa Barat.