Wikipedia:Citakan Wikipédia
Citakan atawa pola acu (basa Indonésia: 'templat', Basa Inggris: template) nyaéta hiji métode anu tujuanna nyadiakeun pidangan anu konsisten pikeun informasi anu disimpen di jerona. Parobahan kana pintonan, kekecapan, atawa gaya eusi éta informasi téh bisa diterapkeun sacara langsung, sabab citakan dijieun pikeun pamaca dina waktu artikelna dibuka. Bisa disebut ogé yén citakan téh mangrupa jalan pintes pikeun némbongkeun hiji informasi ngaliwatan kode anu pondok. Ngaran rohangan citakan meunang maké spasi, contona {{Provinsi Indonésia}}.
Citakan ogé narima paraméter-paraméter anu satuluyna diasupkeun kana output citakanana.
Citakan dina rohangan ngaran artikel ngan saukur aya pikeun mantuan nu maca. Ieu hal téh bisa mangrupa pitulung navigasi, atawa panginget yén eusina teu luyu jeung standar. Citakan anu mere informasi anu ngan saukur boga guna pikeun para panyunting kudu nuju kana kaca obrolan éta artikelna.
Cara nyieun citakan
[édit sumber]Citakan bisa dijieun ku cara nyieun kaca anyar dina rohangan ngaran “Citakan:judul citakan”. Misalna baé lamun rék nyieun citakan pikeun artikel anu pondok, mangka ngaran kacana nyaéta “Citakan:Pondok”. Dina ieu kaca bisa diasupkeun rupa-rupa eusi informasi, gumantung kabutuhan. Formatna diluyukeun jeung artikel anu rék ditambahan citakan. Éta ngaran kaca “Citakan:Pondok” téh bakal dipaké pikeun diasupkeun kana kaca artikel kalawan maké kode kieu: {{pondok}}.
Ari eusi citakan {{pondok}} bisa ditingali dina kaca Citakan:Pondok, kieu hasilna:
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Cara masangkeun citakan
[édit sumber]Masangkeun citakan kana artikel téh gampang pisan. Judul citakan anu geus dijieun tinggal ditambahan tanda {{ }} sangkan bisa némbongkeun eusi anu dijieun dina kaca citakan. Sangkan leuwih gampang, tingali ilustrasi gambar ieu diahandap:
